محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

28‏/04‏/2009

ما سيفعله "زياد الخُضيري"..!

=زياد الخضيري؟
-أيوة..هيجي على هنا بعد نص ساعة..
=كويس والله..أنا نفسي أشوفه..
-ده خلاني إمبارح بس أصدق في السحر والأعمال!
=ليه؟..هو إنت مكنتش مصدق ده؟
-آه ياخي..لغاية اللي عمله زياد!
=زياد؟..زياد الخضيري؟
-أيوة هو!
=ماله؟
-قوللي بس الأول يمكن أكون أنا اتجننت ولا حاجة..هو زياد ده مش جراح مخ وأعصاب؟
=زياد الخضيري؟
-أيوة هو..متقعدش بقى تسألني كل شوية هو ولا مش هو وتتغابى عليا!!
=أيوة يا سيدي جراح مخ وأعصاب..وبيكسب قد كدة..ارحم أعصابي إنت وانجز!
-مهلك عليا بس..مش زياد ده برضه كان رئيس فريق التمثيل على مستوى الجامعة؟
=ولواني محبتش تمثيله ولا كمان فاهم حالة الحنين للذكريات اللي جاتلك فجأة ديه..بس ماشي..وفاكر كمان لما كان هيمثل دور كبير في فيلم لولا إن أبوه رفض..فنفض لحكاية التمثيل ديه خالص..خسارة والله كان ممكن يبقى نجم شباك!
-حلو..مش زياد ده من أوسم الشباب اللي ممكن تشوفهم في حياتك..بعينيه الزرقا وشعره الأصفر وطوله وعرضه..؟
=وكان بيغيظني لما كنت بمشي معاه في الشارع-أيام ما كان فاضيلنا- من كتر ما كانت البنات بتتهبل عليه..اخلص!
-حلو..مش زياد ده 33 سنة ولسة متجوزش ومن عيلة كبيرة ومعروفة ووارث ملايين من أبوه؟
=م الآخر عشان أريحك..أفكرك..كنا مسمينه الشاب البيرفكت وأنا كمان كنت بقوله إني لو كنت بت كنت بوست رجلك عشان تتجوزني!!
-طيب قولي بقى!
=بقى!
-إنت تعرف عنه إنه مصاب بأي مرض؟
=لأ خالص..ده صحته زي الفل..وعمره ما شرب سجارة ولا مية والغريب إن رغم كدة دمه خفيف جداً..هو حصله حاجة ولا إيه؟
-لأ..اصبر بس..
=لأ..مش هصبر..اخلص..قولي في إيه..جاي يتقدم لأختك ولا إيه؟
-يا ابن الخفيفة..الصراحة إنه لو فكر في ده..وديني لأكون مطلقها من جوزها ومجوزهاله..
=ولا جاي يتقدم لأمك؟
-معتقدش إن أبويا هيرضى..
=طب اخلص يا بضين..مال زياد؟..اوعى تقولي هيتقدملك انت
-هو فعلا الموضوع إن زياد قرر يتجوز.
=هيتجوزك؟ يا ألف نهار أبيض
-بس بقى يا أهبل..عايزك تحلفلي الأول إن الموضوع ده بيني وبينك..عشان زياد مخدش رأي حد غيري في الموضوع ده
=وحياة أمي مهجيب سيرة..ها
-احلف بحاجة عليها القيمة!
=هتلافاك على وشك والمصحف
-زياد هيعمل مصيبة..هينتحر!
=.....
-إمبارح قعدت معاه ومع البنت اللي عايز يتجوزها..وكانت آخر واحدة ممكن أتخيل زياد ممكن يبصلها حتى مش يفكر يتجوزها
=وحشة؟
-جداً
=ههههههه..أنا طول عمري كنت بقوله كدة..إنت لازم تتجوز واحدة وحشة عشان متخلفوش ملايكة!..بس هي وحشة بجد ولا بالنسبالك ولا وحشة بالنسبة للي متوقعينها ليه؟
-دميمة جداً جداً جداً..بحيث إني كنت قرفان أبص عليها..بحيث إنها لو عدت جمبك إنت يا معفن تتف عليها!
=إيه ده؟..ديه عملاله عمل بجد بقى!
-استنى بس..
=ايه كمان؟
-زنجية!
=سمرا؟
-زنجية!
=سمرا أوى؟
-زنجية ومضفرة شعرها زي الأفريقيات كدة وشفايفها ضخمة !
=يمكن بيشتغلك أو إنت فهمت غلط؟
-استنى بس
=إيه تاني؟ اوعى تقولي زملكاوية كمان!
-قزمة!
=قصيرة يعني
-قزمة!
=قصيرة فشخ؟
-قزمة!
=ازاي؟
-قزمة!
=قزمة ازاي يا ابن القزمة القديمة متوضح!
-حوالي 80 سنتي!
=80 سنتي ازاي؟
-والله بتكلم جد
=قزمة بجد يعني؟
-آه وربنا
=......هههههه...بيشتغلك يا أهبل
-خدته على جنب فراح حلفلي بكل الحلفانات اللي ممكن تتخيلها إنه ناوي يتجوزها بعد شهر..طلبت منه إنه يروح لدكتور نفساني..ضحك بكل ثقة وقاللي أنا مش مجنون يا صاحبي..أصريت على طلبي..راح هب فيا وقاللي إنه ندم على إنه ورهالي!
=ده اتجنن بجد
-استنى بس
=أحا!..في حاجة تاني؟
-مسيحية!
=وأسلمت؟
-مسيحية!
=وهتأسلم؟
-مسيحية!
=ومأسلمتش طيب؟
-ههههههه
=خلاص ذيع يا ريس!
-والله ما بشتغلك!
=يبقى هو اللي بيشتغلك
-وهيشتغلني ليه يعني؟ ده كدة يبقى بيشتغل نفسه!!
=يمكن هي بتشتغله؟!
-يعني عاملاله عمل يا ناصح!
=ع العموم..أنا هعتبر الموضوع لعبة..وهعيش في اللعبة ديه..كأنها بجد..عشان أنا بحترم عقلي..وأسأل السؤال الطبيعي..ليه زياد فكر فيها؟
-أيوة والنبي..عشان أنا تعبت م التفكير في ده لوحدي
=يمكن كان عايز يكفر عن حاجة وحشة عملها
-حتى لو كان هتلر معتقدش إنه كان هيفكر في كفارة م النوع ده..حتى لو دخل النار معتقدش إنه هيتعذب أكتر من كدة
=مممم
-ثم كفارة إيه بس..إنت ناسي إن زياد مكنش بيفوت فرض رغم إنه مكانش متطرف ولا حاجة خالص..ده حتى كان بيجيبلنا البيرة والبراندي ويشاركنا المرح وهو يشرب فانتا..ثم هو أخلاقه كويسة من زمان حتى عمره ما كان بيهزر بشتايم ع الأب والأم..العادة اللي فضلت فينا حتى بعد ما اتجوزنا وخلفنا يا ابن الكلاب..ثم فاكر لما أبوه_الله يرحمه_جابله عربية أيام الجامعة؟..كان بياخدنا يفسحنا نلف بيها وأي حد غلبان ماشي ف الشارع كان بيصعب عليه ويوصله لبيته حتى لو كان ساكن في المرج..ويقولك أدينا بنلفلف وبنسمع أغاني..
=آه..وكان يقعد يترجم الأغاني الأجنبي اللي بيحب يصدعنا بيها للناس دول..قولي..هو اتطرف في الدين قريب ولا حاجة عشان يعمل كدة؟!
-اتطرف إيه بس يا غبي؟! بقولك مسيحية ومش هتغير دينها
=وطبعا لا هتغير شكلها ولا طولها..قولي صح..سؤال..لا سؤالين..هو فلس؟..وهي غنية؟
-خطر في بالي وسألته كدة قاللي إنها ظروفها بسيطة جدا وإنه لو بطل شغل وقعد يحرق في الفلوس اللي معاه هيموت قبل ما فلوسه تخلص!
=طب عيلتها كبيرة معروفة؟ ليها قريب واصل؟
-مقطوعة من شجرة!
=طب إيه؟
-بي
=ممممم
-وصلت لحل؟
=مفيش غير العمل أو المرض النفسي..يمكن كانت طويلة وبيضا وزي القمر وهو عملها عملية في مخها..آآ..حل بعيد مش كدة؟!
-..مش هرد عليك
=يكون حبها؟!
-برضه مش هرد عليك
=مممم..صحيح..زياد عمره ما حب ولا كان حتى له تجارب..ده عمره ما مسك إيد بت..رغم إن زميلاتنا أيام الجامعة كانوا بيتلككوا لما كانوا بيسلموا عليه ويفضلوا ضاغطين على ايده شوية..ويتلككوا على أي نكتة عشان "هاهاها..كفك يا زياد" يمكن عشان ملوش تجارب اتضحك عليه؟
-طب حاول إنت تضحك ع الشحات العجوز اللي لابد عند ناصية شارعكم على طول..بواحدة أحلى من ديه شوية مع مرتب شهري ثابت وشوف هيعمل فيك إيه!
=للدرجادي البت ديه في الضياع؟
-وأضيع م الضياع بكذا محطة!..والمصيبة إنه بيقوللي إنه حبها وشايفها هتبقى أم عياله!
=أم عياله؟
-والله لو شفتها مش هتقول إنها هتبقى أبوهم حتى..حاجة كدة زي "الرجل الفيل"..الفيلم اللي شفناه زمان..فاكره؟
=آه..آآه..استنى استنى..فاكر مين اللي ورانا الفيلم؟
-آه صحيح..ده زياد..ده كمان كان فيلمه المفضل..وكان بيبكي كل ما يتفرج عليه!
=يكون الفيلم أثر عليه للدرجادي؟
-يمكن!..بس في حد كدة في الدنيا؟!
=عارف..إنت شوقتني إني أشوفها
-شوقتك؟
=عادي كأنك بتشتاق لفيلم رعب حد حببك فيه
-ومش أي رعب وحياتك..تحب اكلمهولك يظبطك مع أختها؟
=عسل..قوللي صحيح..طب إيه صحيح أخبار المسائل عنده؟!
-مسائل إيه؟
=البضاعة..العفش..البلبل..الكحروت..الرغيف والبيضتين!
-تصدق ممكن؟
=ليه لأ
-أيوة صحيح لأ يا ناصح..عشان لو عايز يتجوز لمجرد الجواز فممكن يختار ألف واحدة مبتخلفش وشكلها ع الأقل مقبول!
=ومين جاب سيرة إنه مبيخلفش بس؟
-أمال؟
=ما أنت عارف إن الواحد ممكن يخلف من غير ما يكيف وممكن العكس!..فواحدة زي كدة هتكون بضاعتها على قدها فأي دمل معفن ممكن يأدي الغرض..بالإضافة لاحتمال إن ممكن الرغبة متكونش عنده أصلا!..أو حصلتله حادثة مثلا!
-برضه معتقدش
=ليه؟
-عشان سببين..الأول هنفيلك بيه الإضافة قبل ما أنسى..عشان هي مسيحية..يعني هيدخل حرب كبيرة مع أهله وكمان المجتمع وكان ممكن يلاقي نفس المواصفات وأحسن شوية كمان في واحدة مسلمة..وعلى فكرة ده بينفي احتمال قبل الإضافة برضه!
=والتاني؟
-فاكر لما فتحنا عليه الباب وهو بيستحمى زمان أيام ما كنا لاجئين عنده في شقة ميدان لبنان
=..يااااااه...أيوة فاكر..فاكر صحيح..إنت اللي شفته قبل ما يداري وقلت عنه إنه مش قد كدة وهو خاصمنا فترة وقتها..-أيوة بس هو الصراحة كان قد كدة ونص!..بس أنا كنت بغيظه!
=يعني المسائل عنده متظبطة على كدة؟
-جدا!
=نرجع لمرجوعنا بقى "ليه"..يكون حد مهدده؟
-والحد ده مصلحته إيه؟
=يكون غلط معاها وفتحها وأهلها ممكن يموتوه
-ما هو إنت لو شفتها أصلا مكنتش هتقول كدة..لأن أكبر غلط ممكن لأهبل واحد في الدنيا يغلطه مع واحدة زي ديه إنه يبص عليها أصلا
=شكلنا مش هنوصل غير للسحر..طب قولي حالته النفسية كانت عاملة إزاي..أنا مشفتوش من حوالي 3 شهور
-زي ما هو زي القمر ده كمان احلو أكتر شيك جدا واثق جدا مرح جدا
=يعني كمان مكانش قلقان
-ده كمان كان بيأكلها..تخيل منظر الناس اللي طمني بعد ما شككني زياد في نفسي وهم بيبصوا باستغراب على شاب زي القمر وهو بيأكل ضفدع!..لدرجة إن واحد منهم شك إنها ممكن تكون الكاميرا الخفية..قال كدة لصاحبه بصوت عالي
=وزياد سمع؟
-لأ يا سيدي لأنه كان هيمان في الشئ اللي معاه
=طب متفتكرش أيام الجامعة كانت مواصفات فتاة أحلامه إيه؟
-لأ خالص ما انت عارفه
=طب هو لقيها فين؟ قصدي عرفها منين؟
-قال إنه شافها صدفة في الشارع و تناه وراها لحد ما كلمها
=جراح مراهق صحيح
-مراهق إيه..ده لو جري ورا سحلية كان احسنله..ثم..آآ..زياد!
......................
زياد:

إنتوا لسة قاعدين نفس قعدتكم..وفي نفس القهوة..واحشني جدا والله يا ولاد..يلا منه لله الشغل اللي حرمني منكم..إنت طبعا أكيد ما صدقت وكبيت كل حاجة..م أنا عارفك..كل الحكاية يا جماعة إن فيه ورم في المخ قريب من مركز التنفس ملوش علاج..اكلينيكيا مش بيسبب أي ألم..أو صداع..بس بيسبب اكتئاب والاكتئاب بيسبب صداع يا بشمهندسين..اكتشفته في صورة لأشعة رنين المغناطيسي ع المخ..ومن خبرتي القليلة بس المتمكنة عرفت إن آخرها شهرين بالكتير جدا وتموت..فتخيلت نفسي لو كنت قلتلها كدة..كانت ممكن تنتحر بنسبة كبيرة..ياإما بسبب عدم رغبتها في الانتظار أو من زيادة آلام الصداع بسبب الاكتئاب اللي أكيد هيزيد معاها لو عرفت..قلت خليني أدخل تحدي مع نفسي في خبرتي الطبية ولو قعدت أكتر من شهرين هتجوزها فعلا زي ما وعدتها..كأني هعاقب نفسي بفرضية إنها هتعيش أكتر من شهرين بعد ما قلتلها!..لكنها اتوفت بعد شهر من تشخيصي..بعد ما اقنعتها بصعوبة بشعة إني بحبها..وعلى فكرة هي تعبتني جدا على بال ما صدقت ده..يمكن لو كانت ملكة جمال الكون مكانتش خدت وقت زي ده عشان تجاوبني الحب..وعشان أثبتلها كدة أكتر عرفتها على واحد صاحبي عارف إني لو قولتله ع السر..هيفضح الدنيا..فقلت أسيب ردود أفعالك زي ما هي عشان تبان طبيعية وده أحسن وخاصة من نظراتك الغريبة ليها وإلا افتكرت إنها تمثيلية..ووهبتها الحياة لشهر من غير اكتئاب..كنت متأكد إنها عايشة فيه في الجنة..يلا بقى..الله يرحمها..أنا لسة راجع من دفنتها دلوقتي..بس أنا متأكد إنكم كنتم بتنموا عليا..ها بقى..كنتوا بتقولوا عليا إيه؟ )
.......................

هناك 12 تعليقًا:

غير معرف يقول...

جامد مله بس انا حاسس انى فى القصة دى حاجة غربية مكررة او مقتبسة او مسروقة
عذرا على التطاول بس انا حاسس انك سمعت او شفت او قرأت الفكرة فى مكان تانى غير المخيخ اللى عندك وكملت عليها ( يعنى انتا جبت البذرة من مكان وزرعتها فى ارضك ورويتها كمان مع شوية سماد يعنى وكدة ) بس خلاص
.... ايقى اسال يابتاع الكمبيوتر والحاجات دى .....


احمد على السيد

fhfghfghfghfh يقول...

الحمد لله و الصلاة و السلام ع رسول لله هداك الله يااحمد والله انت صديق عمري بس للا سف تفكيرك لم يتغير و ان تغير ستكون عالما من علماء المسلمين لا تتهم السلفيه بما ليس فيهمو اخطات عندما كتبت انك تحب عقلك قبا الاسلام و معناها انك تحب عقلك قبل الله و رسوله ع الرغم من ان الله هو الذي اعطاك عقلك و اعلم انك ستتهمني بالجهل و لم افهم قصدك مما كتبت ربنا يهديك منالسلفي الذي خرج و قال انه شمتان ف الرئيس و مالا تعلمه ان من منهج السلفيه عدم الخروج عن الحاكنم الا ان ياتي بكفر بين ربنا يهديني و يهديك ان شاء الله

gdfgdfggdgdfgdfg يقول...

و لما يا ناصر الحرية تريد ان تقرا كل التعليقات قبل ان تقراها

أحمد مختار عاشور يقول...

أنا أنشر كل التعليقات حتى لو كان بها تطاول..لكن على الاقل اعتقد ان اقل حق من حقوقي ان اقرأ التعليق أولا وذلك لتعذر دخولي على النت بصورة دائمة..
.
.
.
خالص تحياتي

FGFGFGFGGGGFG يقول...

برضو مرديتش ع رسالتي بما فيها
من اتهامك للسلفيه و حبك لعقلك الشديد البيجي بعده حبك لاسلام ياحبيب قلبي ردو لا تكتب ف صفحاتك مايدينك امام الله و يوم القيامه و لا اعلم مدي كرهك للسلفيه بهذا المنظر العنيف و المقذذ ارحم نفسك محاربه للنقاب و الملتزمين و مناداه بالحريه الذائفه التي ليس فيها الامرضاه الفجره ان شاء الله ربنا هيهديني و يهديك قول امين

أحمد مختار عاشور يقول...

أولا..انت معندكش شجاعة كافية لتذكر اسمك

ثانياً..السلفيين لذاذ جداً..ومش عارف الصراحة من غيرهم كنت كتبت ازاي

ثالثاُ..النقاب لو لبسته الواحدة باقتناع..مفيش مشاكل..لو لبسته غصب..فده ناتج عن جهل وكبت وقلة ادب

رابعاً..انا احب عقلي اكتر من اي حاجة..وانا حر..انت شايفني كدة دخلت النار..فرأيك لا احترمه ولا يهمني من الأساس

خامساً..اتمنى منك بعض الموضوعية في النقاش

سادساً..المقذذ خطأ والصواب المقزز

الذائفة خطأ والصواب الزائفة

سابعاً..مرضاة الفجرة؟؟..انت طالع من فيلم لابولهب؟؟..


ثامناً..ما تيجي تكتب بدالي احسن؟

تاسعاً..أحا بجد يعني

fgfgfgfgfgfgfgfgfgf يقول...

اولا شكرا عتصحيحك لاخطائي الكتابيه و التي شغلت نفسك بها و لم ترد ع رسالتي ثانيا انا لم اقل لك انك دخلت النار و او الجنه ليس من حقي و لا من حق اي شخص انه يقولك كده بس انت رديت بس عشان تستهزا و وتقولني كلام انا مقلتوش و بعد كده انا مبكرهكش كده عشلن تكتبلي صحيفه من الاستهزاء و انا بحترم رايك و يبدو انك انفعلت و لم ترد بشجاعه هل تحب عقلك قبل الاسلام و

fgfgfgfgfgfgfgfgfg يقول...

انت ازاي معرفتنيش خانك عقلك ياصاحب العقل الجبار و الذي لا يمتلمكه امثالي طبعا انا كتبتلك انت صديق عمري و برضو معرفتنيش المهم انااخر مره هكتبلك هنا لغايه ماتعرف انامين و بلاش الردودبالشتايم مش كويس عشانك لاني مشتمتكش سلاااااااااااااااااااااااااااااااااااام

د. / محمد عباس يقول...

على فكرة يا دكتور احمد ديه يمكن من اجمل الحوارات اللي قريتها في حياتي

فكرة إن واحد طول بعرض في أحسن مهنة ومسلم ومتعدد المواهب ووسيم جدا ومن عيلة كبيرة ممكن يرتبط بواحدة قزمة زنجية مسيحية دميمة؟

انت ليه ما بتكتبش سيناريوهات؟

أخوك محمد عباس

fgfgfgfgfgfgfgfgf يقول...

افهم من كده مش عايزني ابعتلك تاني و لا لسه بتفكر انا مين و لا بتشوف رد ع رسايلي و لا ايه

FGGFGGFGFGFGFGG يقول...

كله ده بتفكر مش معقول السؤال صعب للدرجه ديه و لا مش عايز تحرج نفسك

قطة وخيوط يقول...

كالعادة لما بقرالك
لازم تيجى على بالى إحتمالات كتير جدا ولازم برضو النهاية بتكون غير كل الى فكرت فيه ده
المرة دى بقى لما لقيتك كاتب كل الإحتمالات الى ممكن تخطر على بال أى حد شطحت أوى
فكرت الأول أنه يمكن يكون بيحن لأيام المسرح مثلا وقرر أنه يعمل عليكم المسرحية دى
بعدين قلت طب ليه لازم يكون فى سبب غير الحب ليه الشر ده ماهو ممكن يكون حبها فعلا يعنى ليه لأ
بس بقى لما لقيته بيحكى الموقف بكل التفاصيل المستخبية وصلت لحاجة واحدة بس هى الأكيد الوحيد فى كل ده أنه أى حد فى الدنيا دى عنده أسباب كتيييييييييير أوى لكل حاجة هو بيعملها وأنه دايما الأسباب دى بتكون بعيدة خالص عن كل توقعاتنا ولازم تكون كده لأنه ببساطة أحنا مش ممكن هنفكر ذى الحد ده مش ممكن هنكون مكانه و مستحيل هنكون هو