محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

13‏/04‏/2011

مصر.. بحبك.


1
الشرطية التونسية قالت لتبريء نفسها: "بوعزيزي هاجمني أولاً, فصفعته"!
والشرطي الذي قتل "خالد سعيد" قال أنه كان بالفعل تاجر مخدرات..
هذا لا يهم..
فهذان الخطان الشبه متوازيان.. صنعا أجمل حلم ممكن..
مشهد تلك الصفعة التي بدأت على خد "بوعزيزي" حتى انتقلت إلى أقفية الحكام العرب, ومشهد تلك الضربات التي هشمت رأس "خالد سعيد" اِتحدا سوياً.. ليأتي لنا هذا المشهد..

في انتظار ظهور ابن الرئيس المصري السابق.. كان الناس يتصايحون في فرح, غير مصدقين ما يحدث.. لم يكن أحد منهم يحلم بهذا.. اِبن الرئيس سيحاكم!
من شخص كان يجعلهم يسبون عجزهم وهو يعد نفسه لكي يصبح رئيس دولة.. حتى وجدوا أنفسهم في انتظار خروجه من تحقيقات النيابة إلى عربة الترحيلات..
قبل خروجه بدقائق هتف أحدهم: "يا جماعة مش عايز شتايم.. لازم نثبت إننا محترمين".. فهتفوا جميعاً: "سلمية! سلمية!"
لكن فور ما رأوا "جمال مبارك" مصحوباً في عربة الترحيلات إلى السجن.. هتفوا جميعاً: ""الحرامي آهو.. الحرامي آهو.. الحرامي آهو.."
.............................
2
أحد ميادين مصر (نهار / خارجي)
قطع على وجوه 3 فتيات.. اثنتان منهن محجبتان.. وجوههن يبدو عليها الإرهاق..
الأولى: هووووف أنا صوتي راح!
الثانية: طيب نريح شوية..
الثالثة: آه صحيح افتكرت كنت عايزة أقولكم ايه.. (تبتلع ريقها) انتو لما بتروحوا محلات ملابس بتقيسوا هدومكم فيها صح؟
الأولى: طبعاً!
التانية: أكيد!
الثالثة: طيب أنا جاتلي رسالة على الفيسبوك بتحذرني إني أغير هدومي في أي محل صاحبه مسيحي..
الأولى: ايه ده ليه؟؟ أنا بقفل الستارة كويس..
التانية: وكل اللي بيشتغلوا في المحلات ستات..
الثالثة: م أنتو مش فاهمين.. صاحب المحل بيحط كاميرا في اودة تغيير الملابس عشان يصور البنات المسلمين!
الأولى: يا لهوي! انتي بتتكلمي جد؟
التانية: ديه تبقى مصيبة لو ده حقيقي!
الثالثة: أنا حبيت أقولكم عشان تاخدوا بالكم..
الأولى: وهو فيه محل ملابس صاحبه مش مسيحي دلوقتي؟؟؟
الثانية: آه صحيح دول كوشوا على كل المحلات!
الثالثة: ربنا ياخدهم كلهم!
الأولى: طب يلا نهتف شوية عشان عشان الناس بتبص علينا.. ونبقى نكمل كلامنا بعدين..
Zoom out
لنرى الفتيات وسط مجموعة كبيرة من المتظاهرين والمتظاهرات.. يرفعون لافتات عليها شعار (الهلال والصليب)
ونستمع إلى هتافهم الحماسي:
"عاش الهلال مع الصليب..
عاش الهلال مع الصليب..
عاش الهلال مع الصليب.."
Fade out
...........................
3
توقف هطول المطر.. لكن الجو ظل يرعد ويبرق!
والوقت كان بعد منتصف الليل..
حين كنت أسير وحيداً, أدندن أغنية أحبها كثيراً.. وسيجارتي في فمي تجلب لي بعض الدفء..
حتى وجدت إنساناً يضع مسدسه خلف ظهر إنسان آخر ليقتله..
الضحية لا تشعر بالجاني..
الضحية لا تشعر أنها ستموت الآن..
صحت بأعلى صوتي لكي أحذرها.. فلم تسمعني..
ولم يخفض الجاني يده بالمسدس..
فوجدت بجواري إنساناً ثالثاً يسير وتحت إبطه شمسية مطبقة..
فخطفتها منها سريعاً..
وذهبت بها إلى الجاني لكي أدفع المسدس من يديه..
وفعلت..
لكن الرصاصة انطلقت منه قبل أن يقع أرضاً.. دمرت الشمسية, لكنها لم تمس الضحية..
الضحية سارت بمشيها الوئيد..
الجاني هرب سريعاً..
الضحية صماء.. والجاني خسيس..
وبقيت لصاحب الشمسية.. الذي لم يهتم بما فعلته..
وظل يطالبني بثمنها الذي لن أقدر عليه أبداً!
...................

هناك 4 تعليقات:

Mona يقول...

ده أنت مش ممكن - نمرة 2 ديه موتتنى من الضحك مع أنها مش مضحكة بس شر البلية مايضحك بجد أجرام - بس بجد هو ده النفاق الأصلى المصرى الى على أصوله

تسلم ياعاشور :)
منى الغرباوى

شريف القاضى يقول...

رقم 2 ..
تصلح لتكون مشهد مميز لفيلم قصير عن العلاقة بين المسلمين والمسيحين فى مصر ...
متألق كالعادة ..

Ramy يقول...

ياا جااااامد يا دوك

(:

التلاتة اجمد من بعض

EL pRiNcEssA يقول...

بصراحةكلامك كله صح