محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

14‏/05‏/2009

فِــــ يوم..!


فِــــ يوم..

صحيت م النوم..

حسيت بِريقي الناشف..

حسيت بَريقي انطفى..

تعبان..

والقلب نبضه اختفى..

جعان..

والأكل ف التلاجة..

عطشان..

والمية ف التلاجة..

كسلان..

أروح للتلاجة..

بردان..

والوحدة ضد الدفا..

..............

قلت أعمل عبيط..

وأبطل أقرا جرايد..

إلا جرنان الوسيط..

اللي هتبيع شبشب مستعمل..

واللي بيستعبط ويستهبل..

ويطلب كيلو قرنبيط..

وأبطل أحب بنات..

حلوة وآخر تظبيط..

وأبدأ بكا ع اللي فات..

جري الشباب والتنطيط..

قلت أحب واحدة مش حلوة..

قامت قالتلي مبحبكش..

قمت سايبها ومشغل غنوة..

كنت مألفها زمان..

بقول فيها..

أنا أكتر واحد خان واتخان..

لقيتني لسة زهقان..

قلت أرجع أكتب تاني..

وأترجم أحسن أغاني..

وأخرج من حالة السكات..

دورت ف الدرافتات..

ع كلامي اللي فات..

لقيت بعضه اتجرَّح..

والباقي مات..

أفكاري اتغيرت..

مفضلش معايا منها إلا جملة..

ثابتة معايا..

ف كل الأعوام..

ساذج..سطحي..متخلف..

أنا منذ عام..

.......

هناك تعليق واحد: