محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

03‏/03‏/2009

Song I Like: Stan-2000

أغنية (1): Stan
أداء: Eminem & Dido
ترجمة: أحمد مختار عاشور
.................
ديدو تغني (صوت هطول الأمطار يعلو صوتها):
دموعي بقت باردة وأنا مش عارف ليه..
خرجت من السرير أصلاً..
مطر الصبح عامل شبورة على شباكي..
ومش قادر أشوف حاجة خالص..
وحتى لو قدرت مش هشوف غير لون رمادي..
بس صورتك ع الحيطة..
بتفكرني إن ده مش وحش للدرجة..
مش وحش للدرجة
................
(صوتها يعلو على صوت هطول الأمطار)
دموعي بقت باردة وأنا مش عارف ليه..
خرجت من السرير أصلاً..
مطر الصبح عامل شبورة على شباكي..
ومش قادر أشوف حاجة خالص..
وحتى لو قدرت مش هشوف غير لون رمادي..
بس صورتك ع الحيطة..
بتفكرني إن ده مش وحش للدرجة..
مش وحش للدرجة
.......................
إيمينيم يغنيى (مؤدياً شخصية "ستان"):
(الجواب الثالث)
عزيزي سليم(2)..
أنا كتبتلك بس إنت لسة مردتش..
أنا سبتلك الموبايل والبيجر وتلفون البيت في الآخر..
بعتلك جوابين في الخريف شكلك مستلمتهمش..
واضح إن فيه مشكلة أو حاجة في البوسطة..
أحياناً بشخبط العناوين بخط مش واضح بعد ما أخلّص..
بس سيبك..
نفض..
إنت إيه اخبارك يا شاب؟..
وإزّي بنتك؟..
صاحبتي حامل برضه..
أنا قريب هبقى أب..
لو جاتلي بنت..
خمن كدة هسميها إيه؟..
هسميها بوني(3)..
وعلى فكرة..
أنا عرفت إللى حصل لعمك روني..
أنا آسف..
عندي واحد صاحبي برضه قتل نفسه عشان لبوة مش عايزاه..
عارف إنك بتسمع الكلام ده كل يوم..
بس أنا أكتر واحد معجب بيك..
أنا حتى معايا الخرة اللي تحت الأرض مع "سكام"(4)..
ده أنا يا شاب أودتي مليانة ببوستراتك وصورك..
أنا حبيت برضه الخرة إللي إنت عملته مع الخرة التخين "روكاس"(5)..
فكك..
نفسي يوصلك الجواب ده يا شاب..
ابقى اُظرفني بالرد..
نفسي ندردش مع بعض..
بجد بجد أنا أكتر واحد معجب بيك..
اسمي "ستان"
.......................
ديدو تغني:
دموعي بقت باردة وأنا مش عارف ليه..
خرجت من السرير أصلاً..
مطر الصبح عامل شبورة على شباكي..
ومش قادر أشوف حاجة خالص..
وحتى لو قدرت مش هشوف غير لون رمادي..
بس صورتك ع الحيطة..
بتفكرني إن ده مش وحش للدرجة..
مش وحش للدرجة

.........................
إيمينيم يغنيى (مؤدياً شخصية "ستان"):
(الجواب الرابع)
عزيزي "سليم" إنت لسة لا اتصلت بيا ولا رديت عليا..
كان نفسي تجيلك الفرصة..
أنا مش أهبل..
بس أنا حاسس إنها حاجة وسخة إنك ماتردش على معجبينك..
لو مكنتش عايز تكلمني بعد الحفلة..
مفيش مشكلة..
بس حتى ع الأقل كنت كتبت أوتوجراف ل"ماثيو"..
ده أخويا الصغير يا شاب..
عنده 6 سنين..
احنا استنيناك في عز البرد..
4 ساعات مستنيين وفي الآخر تقول لأ..
ده فعلا شيئ خرا ولذيذ..
إنت حاجة كبيرة بالنسباله..
هو كل اللي نفسه فيه إنه يبقى زيك يا شاب..
هو بيحبك أكتر مأنا بحبك..
أنا مش مجنون للدرجة..
انا بس مبحبش حد يكدب عليا..
فاكر لما اتقابلنا في "دينفر"..
إنت قلت إني لو كتبتلك هترد عليا..
وعلى فكرة..
أنا زيك في حاجات كتير..
أنا مشوفتش أبويا برضه..
هو كان على طول بيخون أمي وبيضربها..
عشان كدة أنا حاسس إني فاهم العلاقة بين ده وبين اللي بتقوله في أغانيك..
عشان كدة..
لما يومي بيبقى خرة..
بنفض لهمومي..
وبشغل أغانيك..
عشان بكون الصراحة مش قادر استحمل أي خرة تاني..
فأغانيك الخرة بتساعدني لما بكون مكتئب..
أنا حتى عامل على صدري تاتو باسمك..
أنا حتى أحيانا بعور نفسي عشان أشوف هنزف أد إيه..
حاجة زي الأدرينالين كدة..
الألم أحياناً بيكون مُحفز ليا..
أنا شايف إن كل اللي بتقوله حقيقي..
وأنا بحترمك عشان بتقوله..
صاحبتي بتغير عليا منك عشان أنا بتكلم عنك على طول..
بس هي متعرفكش زي ما أنا أعرفك "سليم"..
محدش فاهمك قدي..
هي أصلا مش هتقدر تفهم إزاي ناس زينا اتربوا وطلعوا للدنيا..
لازم تكلمني يا شاب..
أنا هفضل أكبر معجب بيك..
مش هتخسرني أبداً..
المخلص لك دائماً..
"ستان"..
لازم نبقى مع بعض على طول
........................
ديدو تغني:
دموعي بقت باردة وأنا مش عارف ليه..
خرجت من السرير أصلاً..
مطر الصبح عامل شبورة على شباكي..
ومش قادر أشوف حاجة خالص..
وحتى لو قدرت مش هشوف غير لون رمادي..
بس صورتك ع الحيطة..
بتفكرني إن ده مش وحش للدرجة..
مش وحش للدرجة

.............................
إيمينيم يغنيى (مؤدياً شخصية "ستان"):
(الجواب الخامس)
"عزيزي الأستاذ..
أنا بجد بكون في قمة السعادة لما برد أو بتصل بحد من معجبيني"..
ده هيكون أخر جواب هبعته لطيزك..
فات 6 شهور..
ومفيش ولا كلمة..
هو أنا مستاهلش؟..
أنا عارف إن آخر جوابين بعتهملك وصلوا..
أنا كتبت العناوين عليهم بخط ممتاز..
وده بقى شريط كاسيت ببعتهولك..
نفسي تسمعه..
أنا في العربية دلوقتي..
ماشي على 90 ع الطريق السريع..
هاي "سليم"..
أنا شارب خُمس فودكا تتحداني إني هعرف أسوق؟(6)..
عارف الأغنية بتاعة "فيل كولينز"..
"في هوا الليل"(7)..
عن الراجل اللي كان ممكن ينقذ واحد من الغرق..
بس مأنقذهوش..
بعدين "فيل" شاف كل ده..
بعدها في الحفلة لقاه..
يمكن دلوقتي تقدر تعرف انك كنت قادر تنقذ شخص من الغرق..
دلوقتي إنت متأخر جداً..
أنا ببعد عنك بألف كيلو وكمان مسطول..
وكل اللي كنت عايزه هو جواب حقير منك أو حتى مكالمة..
عايزك تعرف إني شلت كل صورك من ع الحيطة..
أنا بحبك سليم..
كان ممكن أفضل على طول في صفك..
فكر في ده..
إنت دمرت كل ده دلوقتي..
نفسي متقدرش تنام..
ولو قدرت..
تحلم بالكابوس بتاعي..
ولما تحلم بيه متقدرش ترجع تنام تاني وتقعد تصرخ..
نفسي ضميرك ياكلك..
عايز أحس إنك مش قادر تتنفس من غيري..
بص سليم..
(صوت فتاة تصرخ)
بس يا لبوة أنا بتكلم..
هاي سليم ديه صاحبتي بتصرخ من شنطة العربية..
أنا مدبحتهاش ولا حاجة..أنا بس ربطتها..عشان تعرف إني مش زيك(8)..
عشان هي لو اتخنقت فهتتعب جامد..
وهتموت بعد كدة..
كويس..
أنا لازم أمشي دلوقتي..
أنا تقريبا ع الكوبري..
أحا..
أنا نسيت..
هبعت إزاي الخرا ده؟
................
ديدو تغني:
دموعي بقت باردة وأنا مش عارف ليه..
خرجت من السرير أصلاً..
مطر الصبح عامل شبورة على شباكي..
ومش قادر أشوف حاجة خالص..
وحتى لو قدرت مش هشوف غير لون رمادي..
بس صورتك ع الحيطة..
بتفكرني إن ده مش وحش للدرجة..
مش وحش للدرجة

..............
إيمينيم يغني (بشخصيته هو نفسه):
عزيزي ستان أنا كنت ناوي أكتبلك قريب بس أنا كنت مشغول..
إنت بتقول إن صاحبتك حامل دلوقتي..
في الشهر الكام؟..
بص..
أنا الصراحة بحسدك على الاسم اللي هتسميه لبنتك..
وهنا يا سيدي أوتوجراف عشان أخوك..
أنا كتبته على كاب ستارتر..
أنا آسف إني مقدرتش أشوفك في الحفلة..
كان نفسي اشوفك بجد..
إوعى تفتكر إني عملت الخرا ده تناكة ولا حاجة..
بس قولي صحيح..
إيه الخرا اللي إنت قلته عن قطع شرايينك..
ده خرا ميحصلش من كلب اهبل..
مالك؟..
إنت أهبل يابني؟..
إنت عندك مشاكل كتيرة ستان..
متهيألي إنك عايز تشوف دكتور..
يمكن تقدر يساعد طيزك..
إنها متقعدش تتنطط كل شوية لما تكون مبضون..
وإيه الخرا إللي إنت كمان بتقوله عن إننا نبقى مع بعض؟..
النوع ده من الخرا بيخليني أرفض أقابلك..
متهيألي إنك وحبيبتك محتاجين لبعض..
أو يمكن تكون محتاج تعالجها كويس..
نفسي جوابي يوصلك بسرعة..
قبل ما تئذي نفسك..
متهيألي إنك هتعرف تعمل ده كويس..
لو تهدا شوية..
أنا سعيد إني عرفتك..
بس إنت ليه مجنون أوي كدة؟..
حاول تفهم..
أنا فعلاً عايزك كمعجب..
بس مش عايزك تعمل أي خرا مجنون..
أنا شفت خرا زي ده من أسبوعين على الأخبار..
خلاني أتعب..
عيل أهبل سكران كان بيسوق على كوبري..
كان حاطط صاحبته في شنطة العربية..
كانت حامل بابنه..
وفي العربية لقوا شريط تسجيل..
بس مقالوش الشريط كان لمين..
تعالى كدة فكر معايا..
اسمه كان..
كان إنت..
أحا!
..............................................
هوامش
1-أغنية خيالية كما قال عنها مؤديها
2-اسم آخر لــ"إيمينيم"
3-إشارة لأغنية إيمنيم "بوني وكلايد"
4-إشارة لأغنية "إيمينيم".."خلل العالم القديم" التي غناها مع "سكام"
5-إشارة لأغنية "نحن نسطع" التي غناها "إيمنيم" مع "روكاس"
6-شطر مقتبس من أغنية إيمينيم "اسمي هو"
7-أغنية "فيل كولينز" هي "في الهواء الليلة" وليس "في هواء ليل"..وهذا تلعثم مقصود ناتج عن حالة السطل التي فيها ستان!
8-إشارة مقتبسة عن أغنية إيمينيم "بوني وكلايد"
........................

هناك 4 تعليقات:

غير معرف يقول...

ايه الحكاية بقالك شهر وشوية محططش بوست واحد فى ايه مالك ؟؟؟؟؟؟؟؟؟؟؟؟؟؟؟؟؟؟؟؟
طمنى علشان انا تفكيرى بيروح لبعيد زى مانتا عارف.
احمد على السيد .

amro يقول...

ههههههه على فكرة انت كتبت الكلام ده والمقالات دى وانت مبضون انا عارف الحياة بقيت بضان اوى اوى اوى وربنا يكون فى عونك

zuma يقول...

8-إشارة مقتبسة عن أغنية إيمينيم "بوني وكلايد"

قصدك أغنية "كيم-KiM" بقى :D

Nice work
عجبني ترجمتك للغة الشعبية البسيطة زي أسلوب الأغنية
فكرتني بأيام ثانوي

أحمد مختار عاشور يقول...

8-إشارة مقتبسة عن أغنية إيمينيم "بوني وكلايد"

http://www.azlyrics.com/lyrics/eminem/97bonnieandclyde.html