أسئلة أكرههاس............بتتغدى أمتى؟
ج.............لما أجوع باكل
*
س............بتنام امتى؟
ج.............لما اكون عايز انام
*
س...........آخر رواية قريتها ايه؟
ج.............زمنيا:شيكاجو لعلاء الأسوانى............فعليا:المرايا لنجيب محفوظ
*
س...............انت ليه مش بتحب الكشرى؟
ج.................لا جواب على سؤال لم يكن هناك داع لنفيه لمجرد إنى لا أشتهى الكشرى الآن
*
س..................أنت تخصص إيه؟
ج.................لا أدرى من الأحمق الذى أشاع أن التخصص يتم أثناء الدراسة فى كلية الطب لدرجة إنى كنت أصدق حتى الفرقة الثانية انى سأتخصص فى الفرقة السادسة.......فى البداية كنت أفهم الشخص أن هذا يحدث بعد التخرج لكن من كثرة ما أسأل هذا السؤال بغزارة فكرت فى حل من اتنين ......يا إما امشى معلق يافطة على صدرى انوه فيها على ان التخصص بعد التخرج أو - وهذا ما اخترته - أن أقول لمحدثى أى نوع من التخصص عشان أريحه و أرتاح - لو كانت مزة هقولها نسا لسبب بداخلى لن أخبركم به - و غالبا بقول انى متخصص اسنان و طبيعى لشخص بطبيعة سؤاله لن يندهش لذلك
*
س................أنت ليه مش بتسأل عليا؟
ج................ان كان السائل صديق فتختلف ردودى عليه من...."معيش كريدت أو ظروف".....مرورا بــــ "م أنت مبتسألشى برضه بروح أمك"......انتهاء بــــ"مش طايق اللى جايبينك".....أما لو كانت مزة فهيكون الرد "تفكيرى فيكى الكتير مانعنى حتى من انى اسأل عليكى ارحمينى بقى شوية".....
*
ليه السؤال؟
أكيد عشان الجواب
*
لماذا أحببت فلان و أمس كنت تكرهه؟(أو العكس)
والله انا لا أحرك الناس من حولى كالدمى لأتحكم فى تصرفاتهم......انت كويس معايا هحبك وحش معايا هكرهك........و انا اكيد هتغير توماتيكى مع تقلباتك نحوى......وهذا قد يكون تبرير مقنع - على الأقل لى - نحو تقلباتى نحو الناس من حولى
*
*
لماذا هذا البوست؟
عشان محدش يبعتلى تاج........و عشان أعتذر به ضمنيا عن اى واحد تيجنى و نفضتله
عشان محدش يبعتلى تاج........و عشان أعتذر به ضمنيا عن اى واحد تيجنى و نفضتله
0 تعليقات:
إرسال تعليق