محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

06‏/02‏/2009

أعضاءٌ تعبث

بعدما خلدت الكُلى إلى النوم..تلقى مخي رسالة من مثانتي..تخبره فيها أنها ممتلئة..فرد عليها فوراً برسالة يطلب منها الانتظار..وختمها قائلاً: إن الشئ الذي يحركنا نائم..وسيغضب بشدة..وربما عاقب أختنا الرئة وأخينا القلب بحرق علبة سجائر لو جعلناه يسترجع أعفن ما في ذكريات الطفولة.
كانت رسالة المخ حاسمة وعاجلة لا بسبب يقظته وحراسته لجسد صاحبه..بل لأنه_القذر_ كان منشغلاً بعرض فيلم جنسي من إخراجه المرتجل يُشرِك فيه صاحبه كبطل يضاجع البطلة المتخيلة أينما شاء..وكان القضيب كعسكري الأمن المركزي..(مفيش تفاهم ما يصدق يشبط في صورة لكي) يقف محييا: تمام يا أفندم!
وفي الوقت الذي أصيبت فيه خصيتاي بالاجهاد..كان قلبي لا يزال يدق..ويطلق تذكرة لكل أعضائي أن يهتموا بالخلود لا بالحياة..فيتخابث عليه الأورطى ويقول: ولماذا نسعى من أجل الخلود؟..ألن يعيش سيدك أبداً؟
فيوضح القلب: نعم..سيدنا سيخلد..لكن لماذا لا تعتبر بما حدث للعصارة المرارية منذ عام؟
فيرد الأورطى: لا..أنا من الناحية دي مطمن خالص عشان أنا مينفعش يستغنى عني..هو محتاجلي أكتر من احتياجي ليه..إنت مبتقراش ولا إيه؟!
فيدق القلب بسرعة مسجلا اعتراضه على كفر هذا الشريان الوقح
لكن الشريان يسأل: هل صاحبنا أصلاً موجود؟
القلب تزداد دقاته..ويخبر الشريان: ياخي اتقي ربنا..مش كفاية إنك أكبر شريان في الجسم..وكل الشرايين بيحسدوك على كدة..حرام عليك!
الشريان: لأ قولي صحيح من غير خوف..إنت مخرجتش قبل كدة من غشائك ده اللي مستخبي فيه عشان تعرف إن كان صاحبنا موجود ولا لأ؟!
فيهدده القلب أن يصاب بأزمة فيمنع عنه الضخ..فيضحك الأورطي حتى يكاد يصاب بالتواء ويخبره باستفزاز: أنا عايزك تعمل كدة عشان نموت مع بعض يا جاهل..صدق اللي قال عليك أهبل!
القلب يبطئ من دقاته كأنه يفكر: لو أنا أهبل يبقى العيب على المخ..مش أنا..المخ هو اللي بيفكر لنا..
الأورطي: أنا عن نفسي مؤمن بالمخ..أما الكيان اللي إنت فاكره بيحركنا فده وهم جوة غرفك يا أبو أربع أود أنت يا جامد!
القلب: إذا كان المخ نفسه مؤمن بصاحبنا..ثم أنا أقدر أمنع الضخ عن المخ وأخليه يموت.
الأورطي: ده لما تحب تنتحر طبعا..جاهل!
المخ يطلب الهدوء من الجميع بعد أن حانت لحظته المرتقبة
...
أكثر ما يستفزني هو عبث أعضائي حين أنام

هناك تعليق واحد:

esraaezz يقول...

هههههههههههههههه خطيرا جداااااااااااااااا