محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

11‏/07‏/2010

"أوتوجراف مغمور"

............
وقتها..
كنت جالساً في المقهى , منتظراً صديق..
وكنت متغافلاً عن ذلك الرجل الأربعيني الذي كان يركز عينه على وجهي..
ربما مخبر..


ربما منحرف جنسياً..


ربما يُشبـِّه..


ربما أحول..


ربما يعجبه شكلي..


ربما سارحاً , ولا يعتقد أنه أصلاً ينظر إلي..
حتى اقترب مني..
طلب أن يجلس على المقعد المقابل..
وافقت بترحاب..
جلس..
"أنا سعيد جداً إني شوفتك"
ابتسم : "أنا أسعد"
يتلعثم في الكلام, يحاول أن يستجمع أفكاره..
أهز رأسي مع ابتسامة لأشجعه..
يستمر في اللعثمة وهو مرتبك..
أشيح بوجهي بعيداً لثوانٍ..
أعود إليه بنظري , لأجده توقف عن ارتباكه..
وعاد صامتاً..
ابتسم..
"حضرتك تعرفني؟"
يُخرج من جيبه ورقة وقلم..
"أنا بس مش مصدق إني قابلتك.. وكنت عايز , عايز أوتوجراف من حضرتك"
أضحك..
"حضرتك فاكرني مين؟"
يقول : "أنا حاسس بيك.. وده كفاية"
امممم.. كنت ناقص جنان!
"حاسس بيا إزاي يعني؟"
يقول : "أنا مش عايزك تفهمني غلط.. أنا حاسس إن جواك حد أعرفه.. وعايز توقيعك"
أقول : "وعايز توقيعي ليه؟.. هتوريه لمعارفك يعني تحت مسمى (توقيع حد جواه واحد أعرفه)؟؟"
يقول : بالظبط, كدة إنت فهمتني..
أضحك..
يقول : "أنا عارف إنك بتقول عليا مجنون.. بس أنا مش مجنون.. أنا مش بنبهر بالمشاهير اللي الناس كلها عارفينهم وبيجروا وراهم.. رغم إن أرواح المشاهير عادية جداً مش بتجذبني.. إنت بجد روحك مشهورة جداً على الأقل بالنسبالي"
أقول : "طيب م أنت هتاخد توقيع من الشخص نفسه.. مش من الروح"
يقول : "أنا عايز أعرف هتخسر إيه لو عملتلي أوتوجراف؟؟!!"..
أقول في قرف وملل : "ماليش مزاج"!
يقول في فرحة : "هااااااااااايل.. والله زي ما توقعت بالظبط.. أنا دلوقتي لو كنت طلبت أوتوجراف من أكبر مشهور في الدنيا كان خلصني في ثانية.. شوف إنت شغال بتتنك عليا إزاي.. عشان تعرف بس إنك أحسن من أي مشهور.. بس أنا مش هيأس على فكرة.. لازم أرجع بأوتوجراف منك!"
أنظر إليه ملياً وهو يتحدث بحماس هكذا.. لأجدني أطلق ضحكة كبيرة..
يقول : "اوعى كمان تفتكر إني عايز إمضتك عشان أئذيك ولا حاجة.. أنا ماعرفكش.. وأنا مش شاذ ولا نصاب ولا أمن ولا أي حاجة.. أنا مؤمن إن روحك عظيمة جداً.. روحك ديه كانت موجودة في حد عظيم قبل كدة.. وبتروح من واحد للتاني كل 1000 سنة.. يا راجل! ده أنا ما صدقت لقيتك!"
أقول : "طيب.. الصراحة أنا استمتعت جداً بكلامك.. بس للأسف أنا مضطر أحرم نفسي من المتعة ديه.. عشان أنا مستني واحد صاحبي.. وعايز شوية هدوء"
يقول : "طيب أنا عايز أوتوجراف وهمشي على طول"
أقول له همساً وأنا أشير إلى صبي المقهى : " شايف القهوجي اللي هناك ده؟"
يهمهم..
"ده روحه أعظم من روح أي حد هنا.. ألحق بقى خد منه أوتوجراف.. قبل ما يموت.. (ثم أشير إليه ليقرب أذنه أكثر).. بيقولوا إن روحه السابقة كانت في (جنكيز خان) شخصياً"
ينظر إلى في تصديق.. ثم يثور : "إنت فاكرني مجنون؟!.. أنا بتكلم جد.. وإنت بتهزر!"
أقول في نفاذ صبر : "ولا تزعل نفسك.. هات!"
(يناولني الورقة والقلم, فأقوم برسم أربع خطوط أفقية , يتقاطع معها أربع خطوط رأسية) ..
"اتفضل يا سيدي.. أي خدمة"
بعدها..

تلقيت لكمة قوية في عيني.. فصلتني عن الدنيا بعض الوقت..

..........................

هناك 4 تعليقات:

Abdelhameed Gamal يقول...

واو !
انا حسيت المقال دا !
مش حسيته
انا جربته مع نفسى كمان
وبجربه ديماً
فى أرواح فعلاً بتشدك وبتحس إنها مش عاديه
مش عارف هدفك فين فى المقال
يمكن فى فكره الأرواح
بس هى الى جذبتنى وحستها
ما أجمل تقديس الروح :)

غير معرف يقول...

ياه اخيرا يا عاشور ( هاهاهاهاها )
جامدة بس فى نصيحة ولا اقولك بلاش
تابع
احمد على

dr.lecter يقول...

وبعدها ايه اللي حصل؟

Nirvana يقول...

:) حلوة ، قصصك ممتعة .