..................
عشان فاتني متروهين..قابلتها
عشان فاتها حبيبين..ابتسمتلي
..................
بس قلبي شكاك حزين
عمره ما صدق دمع..
ولا آمن بأنين
................
فـــــــــــ
................
اشترطت في البداية
تفتحلي زراير قميصها
في محطة السادات
واقفة في وضع الثبات
قدام الكلب البوليسي
أديها طعنتين
واحدة تحمي م الخيانة
والتانية تمنع البرود
وأمسح دمها بقميصي
وفي طريق الهداية
هتنسيني اللي فات
ما أنا قلبي كان شحات
للحب بمراره
................
سألتني عن بطاقتي بعد يومين
ولو إنها مش ظابط ولا حتى أمين.
..
كانت عايزة تعرفني
...
من اسمي هيبان ديني
من صورتي هتبان حيرتي
من شكلي هتقول شيوعي
إخواني..
عايش في دور جدي..
.................
كانت هتقولهالي زي النسمة
قمت سايبها بعد نص الكلمة
.................
(بح..)
................
هناك تعليق واحد:
gamed keek
إرسال تعليق