إهداء: إلى كل صعاليك وسط البلد...............
طلعت حرب كان يميني عنيد
كان متدين ورأسمالي شديد
وعاش تمثاله في قلب
قصر النيل وطلعت حرب
عند مضخات اليسار
مظاهرات..أمن..نار
..........
جامع جمب محل خمور وبيرة
بقف دايما بينهم في حيرة
..............
فول بطحينة أفترإيت
يطلعلي دليفري لحد البيت
أشقط مزة لحد البيت
وآسف لو كررت البيت
.............
قعدة مع بنات كومبرس سريحة
مع شاي و3 قهوة ع الريحة
ف أفترإيت الشعبي والبستان
وكمان ريش بس ده كان زمان
لو مزة نضيفة ومعاك قرشين
عيش ف جروبي أو الأمريكين
............
فاكر لما قريت زمان
لللأسواني في يعقوبيان
و بجعة مكاوي كمان
ميريت مدبولي الشروق
بس دول أسعارهم فوق
أجري لستة وعشرين يوليو
لشريف وعرابي بكيس شايلو
أعبي كتب أغلفتها عليها صورة ثابثة
لواحدة ما قرت حتى من الكتاب الجلدة
.....
أنا أكتر واحد حب في وسط البلد
وأكتر واحد خان في وسط البلد
وأكتر واحد اتخان في وسط البلد
في محطة السادات الغول
يمكن كان قلبه حاسس
فقال قبل ما يموت مش معقول
..........
أسألوا الشايب والبنت والولد
تعرفوا مين صاحب وسط البلد
4 تعليقات:
بص بقى من غير ترياه وافتكر انى دة اقتراحك اصلا
http://khantarishy.blogspot.com/
سلام
اه معلش ملحتش اسلم عليك
احمد على
مين صاحب وسط البلد انا طبعا
يا دكتور كلامك جميل جدا بس وسط البلد ده ملك للحكومة وللشعب وللبنات المنحرفة وانت طبعا سيد العارفين وكله زى بعضه . طبعا مش عارفنى انا ابن خالك
(( عمرو سعد عز الدين ))
يا دكتور كلامك جميل جدا بس وسط البلد ده ملك للحكومة وللشعب وللبنات المنحرفة وانت طبعا سيد العارفين وكله زى بعضه . طبعا مش عارفنى انا ابن خالك
(( عمرو سعد عز الدين ))
إرسال تعليق