محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

14‏/07‏/2009

10 أسباب تجعلني اختار "محمد محيي" المطرب المفضل لي..



1
لأنه من قلائل المطربين الذين لم يغنوا أية أغاني خليجية.. بل تجده يغني "لالي" (فولكلور ليبي) .. وطبعا لا مقارنة هنا بين أموال الليبيين (إن كانوا يدفعون أصلاً) وأموال الخليجيين!
يعني هو مطرب مش فارقة مع الخسارة والمكسب على قدر إعجابه بفن معين..
الأمر الذي يشترك فيه مع "عمرو دياب" و"محمد منير"..(أكبر مطربين مصريين) وأنا طبعا لست في حاجة لأعلم كم الأموال والعروض التي انهالت وتنهال وستنهال عليهم من أجل الغناء الخليجي أبو فلوس!
2
لأنه على حسب علمي المطرب المصري الوحيد اللي أغانيه من الممكن أن تستخرج منها قصة حياته.. يكفي أن تعرف أنه 40 سنة الآن ولم يتزوج بعد!..ولك أن تتخيل قصص الحب الدامية التي أثخنته بجراحها.. فحولها لإبداع جميل في أغانيه.. خاصة الأغاني التي كتبها له صديقه "أيمن بهجت قمر" فهما كان لهما قصة حزينة متشابهة الجرح على حد قول "محمد محيي"
3
لأنه في قمة الأدب والأخلاق والتواضع.. "محيي" يُقال عليه "ابن ناس" فعلاً .. في تصريحاته بصوته الرقيق ..
فتجده يقول مثلاً..
"جورج وسوف مش محتاج رأيي فيه أصلاً عشان هو مطرب كبير"
"عمرو دياب أنا بحبه جداً وأكيد هو بيحبني برضه"
"محمد منير بيحسسني اني لسة مستمع ولسة بقول عليه إنه مطربي المفضل"
4
لأنه اكتشف نجوماُ في الفن ولا يصرح بذلك..فعندما يسأله المحاور : إنت اكتشفت المطربة "شيرين" والموزع "فهد" وكمان غنيت دويتو مع "تاكي" بتاع "إم تي أم"؟
فيرد "محيي" :
"مسمهاش اكتشفت..احنا نجحنا سوا مع بعض.. يعني أنا فاكر إن "فهد" وزع أغنية "نداء" وهو 14 سنة !!"
5
لأنه فعلاً مظلوم..
وخاصة من كل شركات الانتاج التي ذهب إليها..
"ودايماً طيبتي تضعفني في عيون الناس"..
تجده يعاني الأمرين في كل ألبوم يصدر له..
مثلاً في آخر 10 سنوات –المدة التي هي نصف عمره الفني – أصدر 3 ألبومات فقط بسبب طيبته واستغلال ووحشية المنتجين..
ولن تجده معترضاً..
6
لأن "محيي" أنجح الفاشلين أو أفشل الناجحين..
فهو من جيل "علاء عبد الخالق" و"حنان" و"عايدة الأيوبي" و"إيهاب توفيق" و"مصطفى قمر"..
لم ينجح ويستمر كما فعل "مصطفى قمر" أو "إيهاب توفيق"
لكنه أيضاً
لم يفشل ويتوقف كما فعل "علاء عبدالخالق" و"حنان"
7
لأن محيي من أهم مجددي الأغنية المصرية..
عندك أجمل ألبوم له كان "أغلى الناس"..ملئ بالتجديدات..
مثلاً غنى فيه أغنية "كل ما فيا..بيعند فيا ويطالب برجوعك ليا" ..وفي هذه الأغنية تجد مصطلحات غريبة تظهر لأول وآخر مرة في تاريخ الأغنية المصرية..فنجده يستعرض فيها الأشياء التي تطالبه برجوعه إليها..

"حتى حياطاني وتصاويري..صوت جيتاري وعصافيري..ضوء أباجورتي وسريري..ولون قميصي اللي عليا..حتى مرايتي ودولايبي..حبر قلامي ومكاتيبي..كل الحاجات اللي في جيبي..حتى بطاقتي الشخصية""
8
لأنه – في رأيي – صاحب أجرأ أغنية مصرية (دون ابتذال)..
أقصد أغنية "شارع الهوى"..
تلك الأغنية لن تجد أحد يغنيها كما فعل "محيي" بإحساسه وجرأته الفنية أيضاً
الأغنية أشبه بفيلم ينتهي بمفاجأة قد تخفف عليك استفزاز بدايتها..
كأنها كاميرا تتجول في شارع الهوى عندما يلمح أحدهم أخته مع حبيبها ويداهما متعانقتان! ..
"أختي الصغيرة..شافتني وشوفتها..صدفة وكانت مواعدة..مواعدة حبها..في شارع الهوى"
"أختي الصغيرة..سعيدة كتير لقيتها..فرحانة بيها ساعتها..والدنيا مش سايعاها..وهو ايديه في ايدها..في شارع الهوى"
وبعدها تظهر الكاميرا الشاعرية لــ"مرسي السيد" مشاعر الأخ..
"وكانت صدمة ليا..ومفاجأة غير عادية..زعلت وبان عليان..وكنت هثور أنا"
بعدها تتحرك الكاميرا الشاعرية العظيمة قليلاً قرب الأخ لنكتشف..
"لكني غصب عني..داريت مشاعري لأني..في نفس اللحظة كانت..حبيبتي جمب مني..فرحانة سعيدة بيا..ايدها برضه في ايديا..ولقيتني بعيش معاها..نفس الحالة ديا"
ثم تظهر فلسفة الأغنية وختمتها في..
"وخفت لتخاصمني..لو يحصل حاجة مني..أبسطها راح تلومني..وتقول اشمعنى أنا"
طبعا الأغنية تعالج موضوع الازدواجية التي يتميز بها شباب بلدنا..
على غرار "أنا أكلم بنات وأبرطع للصبح..وأختي تبقى محبوسة في البيت"
تلك الازدواجية التي –للأسف- لا تخاصم الكثير من المثقفين حتى !
طبعا هذه الازدواجية جعلت الكثير ينتقد "محيي" على هذه الأغنية ويتهمونه بانعدام الرجولة وما شابه..
رغم أن كاتب الأغنية الشاعر "مرسي السيد" اضطر لتقديم الأغنية بصوته قائلاً..
"أصعب موقف مر عليا..شوفته في حلم وأثر فيا..وكان للعلم مجرد حلم..لكنه ما زال مفتاح لقضية..أصعب موقف مر عليا"
وطبعا مقدمة الشاعر هنا للأغنية لكي يخرس أي سؤال أحمق قد يُسأل له أو للمطرب : هو الموقف ده حصلك فعلا؟!

.............

بغض النظر عن تأييدك أو اختلافك مع الأغنية إلا إنه لا يمكنك أن تنكر إنها فكرة جريئة أضافت الكثير لرصيد "محيي"
9
لأنه حالة خاصة بالنسبة لي..حالة قد تستطعمها أنت لكنك لا تعرف كيف تُشعر الآخرين بروعة مذاقها..
هناك أغاني لا أملّ من سماعها لــ"محيي"..
لو أردت البكاء..فاستمع إلى "مفيش حاجة" و"يا أنا"

(وفي أغنية "يا أنا" تجده يلوم نفسه على طيبته لا يلوم الناس..صباح الطيبة اللي بجد يعني)
وإن أردت أن تبتسم –لكنه ابتسام مجروح- فاستمع إلى "حلوة الحياة" و"موال الحنين"
وإن أردت أن تستمتع لأغاني قصيرة لكنها عظيمة (وفي الجون)..فاستمع إلى "ما اتمنيت" و"قابلتني صدفة"
وإن أردت لحنين الذكريات أن يداعبك..فاستمع إلى "لسة فاكر"
10
لأنه لم يأبه لكل من سخر منه ومن صوته..ولا يزال مستمراً..
كما أنه لم يصدر أي ألبوم سيئ..حتى الآن!
.......................

‏هناك 7 تعليقات:

أسامة بوكى يقول...

حبيبى قلبى
واحشنى جدا ووحشانى قعدات محى
ابقوا تعالى ياخى
اشكرك ياصحبى على الاهداء اسعدنى جدا لأنه من (أغلى الناس) عليا
(وروح قلى) وعمرى (ماتمنيت) غير انك تبقى (لسه فاكر)( موال الحنين)الى عشناه و(خلينا أصحاب)على طول

أحمد مختار عاشور يقول...

جاااااااااااااااااامد
والله انت باشا

غير معرف يقول...

جاااااااااااااااااااااامد موت العليق



باااااااااااااااااااااشا

احمد على

علي عبدالرضا يقول...

علي عبدالرضا من العراق...............اني بس اريد اعرف شي ولو ان الخليجين يزعلو مني هي واغنيهم وين شعر في زمن الفلوس تعملك فنان ان كان شاعر المليون او روتانا الي سوت ( عملت) الفنانين الخليجين كانهم اهل الفن هو منو محمد عبدو الي خابصينه بيه شنو الاماكن اصلا لو تنتبه ان محمد عبدو يغني بخشمه( مناخيره) ويكفي ان الخليجين ظلموا محي حبيب قلبي وارجوكم ان العراق مو من دول الخليج لانهم من زمان يكرهونه وحنى ما نحبهم

7akwena يقول...

انا بعشق محى بجد
وبجد هو مظلوم
وم الاخر مفيش صوت زيه او شبهه
انا بحب عمرو ومنير لكن ممكن تلاقى ناس بتقلدهم او بتشبههم لكن محى محدش يعرف ولا يقدر يوصل لنبرة صوته
مطرب حقيقى حساس وطيب
واغانيه كلها حلوه
انا بكتب اغانى وبتمنى لو يسمع الاغانى اللى بكتبها مجرد انه يسمعها بس ده شرف ليا مش هقول يغنيها لانه كبير اوى
وانا بجد من اشد معجبينه
وبتمنى انه يستمر وميفكرش ابدا فى الاعتزال دلوقتى

قطة وخيوط يقول...

والله بتفهم بجد أوى بقى
ده أنا كنت خلاص ابتديت احس انه الناس الى بتحب محى دول مابقوش موجودين فى الدنيا أصلا خصوصا كمان أنه كتروا أوى الناس الى بيقولوا عليه أخنف بتغاظ أوى لما بيقولها وهما حاسين انهم قال يعنى بيفهموا اوى كده
ماعلينا

بس على فكرة كمان " ده الى أنتى طايرة به "
دى على رأس قائمة الأغانى الى فى الجون أصلا


أجمد جملة بقى
الحب عندى غالى و أنتى الى رخصتيه
بصوته كمان وطريقته كده

لا بجد الأغنية كلها جامدة جدا
محى أصلا كله على بعضه كده بجد جامد جدا وحكاية أصلا

غير معرف يقول...

اتذكر ايام زمان لما كنت صغير كنت احبه جدا ومن ما اعرف شكله ايه , باختصار محى علمنا فعلا ازاى نحب ونخلص للى بنحب بأختصار محى من زمن الفن الجميل المحترم الراقى اللى مهما سمعته مانزهقش من صوته , ودلوقتى بقينا نسمع للى بيحب الحمار واللى جمال حبيبته قصدى كلبه هبشه من عبايته ( يابت جمالك هبشنى والهبشه جت فى العبايه ) وربنا يرحمنا