"هى جهنم تبعد عن هنا كتير؟"

واحد صحى من نومه

ملاقاش مراته جنبه

بس لقى ورقة على المخدة كاتباله فيها (انا فى وسط البلد مسافة التحرش و جاية)

يروح يصحى ابنه,يتضايق لما يلاقيه صاحى بيشرب حشيش مع اصحابه على الريق كده على طول

و يلاقى بنته بتلبس و نازلة عشان تصور ورقة الجواز العرفى يفرح ان بنته طلعت ناصحة

يشرب بق مية مليانة كوليرا و يتضايق عشان طعم السالمونيلا فى المية وحش النهاردة

بمجرد ما نزل من بيته راح تنفس الصعداء فشفط السحابة السودا كلها جوة صدره

راح يفطر فول من ايد عم سيد اللى عنده التهاب كبدى وبائى...

إتكرع بقوة

و جه يتشعبط فى الاوتوبيس اى حاجة شرطة راحت نشاه عربية كحادثة طريق بريئة و طيرته

قام و نفض هدومه و جرى على شغله

لقى المدير حاسبله يوم خصم عشان اتأخر

و المفتش بتاع الحكومة محوله للتحقيق عشان بيخالف التسعيرة و بياخد رشوة اقل من زمايله

حب يدفع تمن كباية الشاى ام صراصير لقى محفظته اتنشلت

راح قيدهم الساعى بربا راح مرضيش راح الساعى فتحله دماغه و الناس اتلمت

و راحوا القسم

الظابط خلاه يمضى على انه حاول قلب نظام الحكم لذلك حاول الظابط جاهدا ان يقلب وظيفة فتحة شرج الرجل من التحكم فى الاخراج الى استقبال اوراق و خشب و خلافه

يسعد الرجل و هو مطمئن ان زوجته قد اخذت كفايتها من وسط البلد فلن تطالبه باقامة حدود الله التى لن يستطيع اقامتها معها ثانية

يصعب على الظابط فيروح يديله 19 كف على قفاه و يقدمله فاكهه مسرطنة ماركة يوسف والى

يحبس بكوباية شاى نشارة خشب و يمشيه

رجع بيته بعد ما أشترى- بربع التمن -فرخة بانفلونزا الطيور محشية هرمونات انثوية تخليه فى المستقبل يستعير بعض قطع الملابس من زوجته عشان الناس اللى معندهمش زمة خلصوا كل لحمه الحمى القلاعية من السوق خطف
يحس بألم فى اى حتة يروح يكشف عند ارخص حته يدفع الى حيلته لتمرجى زى الجتة يطلع عنده السكر زى ابوه و امه القرايب

و قاله ان ايامه فى الدنيا معدودة ضحك و قال احسن ما تكون مع جحش

يفكر يحج يمكن ربنا يسهلهاله يسفره راجل اعمال على حسابه بشرط انه يدعيله صوت و صورة قدام الكعبة

يروح هناك يسقط فى الزحمة و الناس تدوس عليه

يرجع و طبعا الكاميرا اللى هيصور بيها دعوته للباشا باظت فيزعل منه رجل الاعمال فيخلى شلضم يقتل ابنه

الواد يموت و ابوه يفرح و يقول لو كان الراجل عايز يأذينى كان جابلى عيل تانى.. ده وفر عليا.....مصلحة
يتصل ببرنامج فتاوى قبل ما يسأل سؤاله يقوله الشيخ" انت حرام حرام حرام"
يفكر يسيب العاصمة و يرجع بلده يركب القطر..... يولع

يفكر يسيب البلد كلها يركب عبارة......... تغرق
يفكر يسيب الكوكب يروح عند اخر الارض و يرمى نفسه عشان يقع فى الكون.....مبيموتش
يكتب على صفحة السماء هو انا ايه اللى جابنى هنا ؟

و يستنى

أى حاجة