محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

27‏/06‏/2011

سـَلـِفنـِي شكراً.. أخونـِّي شكراً..

(بعضٌ من الفتاوي الساويرسية)
......................
1
س: هل سيكافئني الله على مقاطعتي لموبينيل؟
ج: كل دقيقة طلبتها من خط موبينيل لك في الجنة 10 أمثالها, و100 اس ام اس مجاناً, والله يشحن لمن يشاء.
...............
2
س: أنا مسلم واتضايقت من نجيب ساويرس عشان اِتريق على اللحية والنقاب.. رحت غيرت خطي.. لكن فيه أرقام موبينيل بتطلبني.. اعمل ايه يا مولانا؟
ج: كنسل عليهم خمس مرات متفرقات مشبعات.
..............
3
س: ماذا أفعل عندما يهاتفني رقم موبينيل؟
ج: ضع الموبايل تحت قدمك, حتى يدفع المتصلون قيمة المكالمة وهم صاغرون..
..............
4
س: أنا صليت صلاة استخارة عشان اَختار ما بين فودافون وإتصالات.. ماوصلتش لحاجة, غير إن كل صحابي اللي بيطلبوني موبينيل؟؟
ج: اِستفتِ قلبك, ولو طلبوك!
..............
5
س: ما حكم من بدل خطه إلى موبينيل؟
ج: هو مرتد, مهدور خطه..
..............
6
س: أنا رميت شريحة موبينيل ونصحت كل صحابي أنهم يعملوا كدة, وبقى أي صديق بيطلبني من خط موبينيل بفتح عليه ومش برد!
ج: الله يفتح عليك!
...............
7
س: أنا يا مولانا خسرت واحد صاحبي عشان لسة موبينيل..
ج: ألا تعلم أنه أحياناً قد يكون الرقم 012 لكنه يتبع شبكة أخرى.. هلا شققت عن خطه؟؟
...............
8
س: أنا موبينيل والمزة بتاعتي موبينيل.. بنكلم بعض كل يوم بالساعات بخاصية موفرة جداً.. لو غيرت رقمي لشبكة تانية رصيدي هيخلص قبل ما أعمل معاها الواحد في التلفون.. ايه الحل؟؟
ج: استخدما نفس الخاصية في شبكة أخرى, ربما كانت الأصوات أوضح..
.................
9
س: أنا مسلم معتدل, اِتضايقت حبة صغيرة من ساويرس, بس أنا بحب رقمي الموبينيل جداً ومتعلق بيه أوي, فبقيت أقفل موبايلي كل اتنين وخميس عشان أخسر الشركة حاجة بسيطة.. هو أنا لازم أغيره؟؟
ج: يجوز أن تحتفظ برقمك.. شرط أن يكون في محمول مغلق.
.................
10
س: زوجتي لا تريد تبديل شريحة موبينيل خاصتها.. فماذا أفعل؟
ج: أهجرها في المضاجع.. حتى تذهب إلى شريحة أخرى, أو إلى رجل آخر..
................
(تحديث/ الساعة 18:30)
.................
في المسألة الساويريسية..
فيه ناس ذهبت لفكرة إن أمن الدولة في ثوبه الجديد هو اللي شعلل موضوع تافه زي ده, وناس قالت إنه الجيش عشان يلهينا بحاجة بعيدة عن السياسة, وناس اتبعت نظرية المؤامرة.. حول محاولات "ساويرس" لتصفية حساباته من موبينيل بطريقة خبيثة قد تليق برجل أعمال محنك مثله..
لكن الأكيد والمشترك من كل هذا أن السلفيين وكل من روج للمقاطعة.. لم يفلحوا في مقاطعة سلعة الغباء التي نفاخر بها الأمم الأخرى.. وهذا يشمل كل من يريد مقاطعة "موبينيل" سلمياً..
لماذا؟
لأن هنالك أشياء بديهية..
1
رجال الأعمال كلهم.. لا دين لهم من الأساس, فلا يوجد فرق بين من يسخر من المتدينين -على الأخص.. لا الدين لأنه سبوبتهم- على تويتر, أو في جلسات نميمة خاصة..
2
توجد أسهم في شركات الاتصال الثلاثة لمستثمرين يهود وأمريكان (المستهدَفون بالمقاطعة دائماً)..
3
موبينيل لا تعني "ساويرس" فقط, (غير إنها فاتحة آلاف البيوت لمصريين بمختلف طبقاتهم) فهو يحتكم فقط على أسهم قليلة منها, وماذا سيكون رأيك لو كان لــ "ساويرس" يمتلك أسهم في "فودافون" و"اتصالات"؟!..
4
أصحاب شبكات الاتصال الثلاثة كلهم خونة, ولن ننسى أبداً قطع الإتصال عن مصر كلها لأيام متواصلة وقت الثورة..
...................
(كلمة أخيرة)
لو شاهدنا "ميكي" ببدلة, و"ميمي" بفستان سواريه.. هل سيضجرك هذا؟
لو شاهدتهما يرتديان ملابس بيت, مايوهات سباحة, ملابس عمال, أو موظفين.. هل سيضجرك هذا؟؟
أم أن السلفيين يرون بالفعل أن لحيتهم والنقاب مظاهر مثيرة للاشمئزاز ولا تتماشى مع الفطرة؟؟
طب ناخد الموضوع بالعكس؟
لو واحد ركب صورة لميكي وهو لابس سلسلة عليها صليب؟
كان السلفيين برضه نادوا بمقاطعة "ميكي ماوس" بحجة أنه فأر صليبي!
أنا سلفي.. أنا بقاطع كل حاجة.. إلا الغباء.

هناك 13 تعليقًا:

انطون عياد يقول...

س: أنا موبينيل والمزة بتاعتي موبينيل.. بنكلم بعض كل يوم بالساعات بخاصية موفرة جداً.. لو غيرت رقمي لشبكة تانية رصيدي هيخلص قبل ما أعمل معاها الواحد في التلفون.. ايه الحل؟؟
ج: استخدما نفس الخاصية في شبكة أخرى, ربما كانت الأصوات أوضح..
لووووووووووووووووووووووووول :)

غير معرف يقول...

فظيعة بس لو تبطل أباحة :)) منى

شريف القاضى يقول...

هلكتنى من الضحك يا عاشور ... خصوصا ..
س: ما حكم من بدل خطه إلى موبينيل؟
ج: هو مرتد, مهدور خطه..
:))

Ms Venus يقول...

لو شاهدنا "ميكي" ببدلة, و"ميمي" بفستان سواريه.. هل سيضجرك هذا؟
لو شاهدتهما يرتديان ملابس بيت, مايوهات سباحة, ملابس عمال, أو موظفين.. هل سيضجرك هذا؟؟
أم أن السلفيين يرون بالفعل أن لحيتهم والنقاب مظاهر مثيرة للاشمئزاز ولا تتماشى مع الفطرة؟؟
طب ناخد الموضوع بالعكس؟
لو واحد ركب صورة لميكي وهو لابس سلسلة عليها صليب؟
كان السلفيين برضه نادوا بمقاطعة "ميكي ماوس" بحجة أنه فأر صليبي!


تمام

FAW يقول...

والله موتني من الضحك

زي ما بضحك برضو لما بشوف حملات المقاطعة الجميلة دي

adel يقول...

ههههههههههه يابن الاية يالذينا :)

محمد عبد السلام يقول...

بلاش جهل بدين ربنا اولا لما تقول ان اللحيه مش من الفطره والرسول قال عشر من الفطره وقال منها اللحيه
ثانيا لما تقول ان شكلها يثير الإشمئزاز والرسول كان ملتحى يعنى لو شفت الرسول هاتبقى..... مش قادر اقولها والله وانا ماقولتش اللحيه فرض ولا سنه بس حاجه ترمز لدين ربنا

محمد عبد السلام يقول...

لا نريد الإفتراء على الدين بجهل لما تقول ان اللحيه مش من الفطره والرسول قال عشر من الفطره وذكر منها اللحيه
ثانيا: كيف تثير اشمئزازك وقد كان النبى بلحيه ولا هاتنكر دى كمان
ياعمهو يقدر يرسم ميكى على قس او راهبه

شويه غيره على دينا يا جماعه واللى هايغير مسلم مش سلفى ولا اخوان

Migo Mishmish يقول...

رائع كالعادة
واحب اضيف وجهه نظر اخرى ... طالما السلفيين دمهم تقيل كدة ومش بتوع هزار ... ممكن نقولهم ان ده كان لبس الكفار برضه ساعتها ...ما هي الفترة ديه كان اللبس فيها كدة ...اكيد الكفار مكانوش بيلبسوا جينز وتي شيرت ... كان شكلهم غلط كدة برضه ... النهاردة الصبح شوفت عندنا في الشارع اعلانات كتير لمقاطعة ساوريس ... مش عارفه ليه الناس ديه مثلاً ما تقاطعش اصحاب الفتوى اللي فاكرين نفسهم لسه في العصور الوسطى ...الصورة انتشرت بعد فتوى قتل ميكي ماوس ... طب والشيخ الحويني بتاع احنا افتقرنا علشان بطلنا غزوات .. وكل اما يتزنق يفك زنقته براس من روس الاسرى اللي عنده ...ولا الفتوى الرائعه بتاعه رضاعه الكبير ولا حديث الذبابه ولا بول الابل ... وعلى فكرة انا ليا دكتورة صاحبتي شغاله في معهد الاورام بيجلها ناس فعلاً شربت كميات من بول الابل على اساس انه بيشفي من السرطان .... كل ده وساوريرس هو اللي غلطان ....العالم ديه عالم هابله اخر حاجة
سلام
MishMish

غير معرف يقول...

D: تحفة بجد وجامدين .. مالكش حل

غير معرف يقول...

سخيفة وسامجة بأسلوب وركيك وطرح ساذج بأفكار أنحيازية طفولية كبقية تدويناتك .

غير معرف يقول...

لا حول ولا قوة إلا بالله . اللحية والنقاب من شعائر الاسلام بالاجماع. فالنبى صلى الله عليه وسلم كان صاحب لحية عظيمة وامهاتنا امهات المؤمنين كن منتقبات فكل من يسخر من المتشبهين بهم فهو يسخر من الاصل وليس من المتشبه. نعم انت تعمل عقلك لكن لو اعملته لدقائق فى سبب تسميتك بهذا الاسم ( أحمد ) لعلمت قدر النبى صلى الله عليه وسلم وسنته التى تسخر منها وأذكرك بقول ربنا : (قل أبالله وآياته ورسوله كنتم تستهزئون لا تعتذروا قد كفرتم بعد ايمانكم...)

انا مش بتفلسف علي فكرة يقول...

القضيه الاكبر بقي ان كان فى بعض السلف ضد فكرة مقاطعه البضايع الامريكيه والصهيونيه
:)
انا بقيت حاسه ان نجيب ساويرس هو اللى اكل الجبنه