محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

16‏/03‏/2010

" أنا "


بَزِّن كتير ..
على حلم كبير ..
ولما يقرب..
مابشوفهوش !
....
متواضع جداً بغرور !
كريم مع ناس .
بخيل مع ناس .
أمري بإيدي ..
لكن مقهور!
....
بحب أصون.
بحب أخون .
بحب أصون لما بخون !
....
بوفي بوعدي , وبق كبير!
مــ أنا أكتر واحد خان واتخان ..
والسر في بير .
......
لا أنا عايز شهرة ..
ولا عايز مال ..
بلاقيني في كل الناس ..
فئات .. عمال ..
فلاح ..
عايش مرتاح .
.....
امشي معايا..
وروح ..
هتلاقي ويايا ..
ضلام وطموح ..
هتسمع عني كلام مش فيا !
هتسمع عني كلام كان فيا !
هتسمع عني كلام مش ليا !
.....
مجنون ورصين ..
ملول ..
على طول مشغول ..
بحاجات هايفة ..
بس بتبسطني !
......
خبيث في حاجات ..
طفولي ساعات ..
مش فاهم الدنيا ..
كل الأوقات !
......
حبوب وودود ..
سخيف في ردود ..
دِبانَة ..
تِعَكَّرلي المود !
....
ساعات ملعون ..
ساعات محمود ..
.......
لو انت معايا هحبك موت ..
تطعني في ضهري ..
هقولك فوت ..
........
صاحب في ثواني ..
بياع في ثواني ..
شهوتي عالية ..
لكن عقلاني ..
لو حسيت بالشك بسيب !
لو حسيت بالشر بخيب !
نجحت في فشلي !
م أنا يأسي في أملي !
..........
غيور!
ذكوري صعيدي ..
وفكري يا سيدي ..
عجيب !
ساعات مكسوف ..
ساعات ملهوف ..
أحياناً سافل !
أحياناً قافل ..
برة المود .
............
مش بسأل عنك ..
لكن بشتاقلك ..
بكسل أطلب ..
بفضل أهرب ..
م الذكريات .
............
بكون أوقات ..
وحيد وجميل .
ولما بشوفها ..
كلامي تقيل !
حاجات ..
مابتجيش في مواعيدها ..
حبيت تغريدها ..
حياتها وبيتها ..
بروحله قليل ..
في مرور عطلان ..
غضبان ..
من كوكب بيئة ..
زعلان ..
معظم وقتي ..
عيشة خنيقة !
وفي أحيان ..
بكون فرحان ..
عشان تعبان ..
ومابفكرش ..
لكن قلقان !
...........

هناك تعليقان (2):

adel يقول...

كلنا هذا الرجل

غير معرف يقول...

مش قادره بجد اوصف شعوري من كل كلامك انت بجد انسان جميل جدااااااااا

وبجد شعرك نحفه