محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

02‏/09‏/2008

شئ من الصوم

1
"كان نصيبها أن تحب انسان يبعد عنها بمئات الكيلومترات"
وعندما شاءت الأقدار..التقيا..احتضنت عيناها عينيه..ويده يدها..سارا في صمت..اكتشفا انهما لا يستطيعا التحدث..
-إزيك
-كويسة
عيناهما وكفاهما كانت تؤدي الغرض ببراعة..
في طريقهما لمنزله..كان الأطفال يمرحون بفوانيس جميلة مرددين أغاني شعبية بأصوات ملائكية..
يصعدا إلى الشقة..يتركها ويذهب للداخل..تجلس على أقرب مقعد..
يأتى إليها عارِ الجذع..يُنهضها..يحتضنها..ترتجف..
يربت على كتفها الأيمن..
تعود لوضعها الأول..عيناها على الأرض..يميل نحوها..يرتعش جسدها..يقبلها لمساً على شفتيها..تقبله بعد تردد كأنها تتذوق طعاما لأول مرة..
وتغرق..
لا تشعر بما يذهب منها..
عينياها مُغمضة إلا من زاوية تلمح شعاع الشمس المار عبر الستار..
عرق وانهاك..
انتهاء بعد اشباع..
يذهب عنها..ترتدي ملابسها..يعود إليها بفطير التفاح..مع عصير برتقال ساقع..
هي ترفض..
هو لا يكرر..
يتوقف عن المضغ..
يخشى أن يكون رفضها لسبب في باله..
يسألها..
تؤكد له ظنه..
يضحك كثيراً..
حتى يختنق..
2
شئ من الصوم
يستيقظ من نومه في الصباح الباكر..يشعل سجارة..يصنع الشاي..يشربه..يأكل شريحة لحم من الثلاجة كانت قد تبقت من طعام الأمس..يستحم..يرتدي لباس الخروج..يشعل سجارة أخرى..يذهب لعمله..يقف خلف شباك التذاكر.."اديني اي حاجة رايحة اسكندرية بكرة".."والنبي بدلي التذكرة ديه لدرجة أولى في نفس القطر"..يساعد الناس باستمتاع..يقبل الرشوة لمن يبدو عليه أن 10 جنيهات لن تفرق معه..يخف الضغط عليه..فيخرج مصحفاً من جيبه..ويقرأ منه مرتلاً..بعين دامعة..بعد الظهر..يعود لمنزله..يتجرع لتر ماء في شربة واحدة..وينام..يستيقظ بعد العصر..يطبخ غذائه..يقطع السلطة..يتسلى بالتدخين..يتذوق الطعام..ردئ..لكن الكثير من الملح والفلفل سيغطي عورته..يضع طعامه على المنضدة..يتابع التلفاز..ينطلق آذان المغرب مع أصوات المدافع..يسعد كثيراً..يردد دعاء ما..وبشهية مفتوحة..
يبدأ في تناول طعامه..
يبدأ في تناول طعامه الردئ..
يبدأ في تناول طعامه الردئ الذي لم يكن ليشم رائحته لو كان مصنوعاً بيد غيره..
3
عملية سحب
الساعة 14
-أحا..إنت فاطر
=آه
-ليه يا (....)
=أولاً في فتوى صدرت للمفتي الأسبق حسنين مخلوف بجواز الإفطار أثناء الأمتحانات ومثلها لعلي جمعة
-يعني بروح أمك لو مكانش فيه فتوى؟
=ثانياً فيه امتحان بكرة ومعرفش أذاكر وأنا صايم
-يا نُغة
=ثالثاً مش هيفرق إني أصوم عن مصومش لأنه هيبقى امتناع عن الأكل والشرب فقط مفيش قراية قرآن..مفيش أي مظهر تاني للعبادة..رابعاً مبعرفش أطبخ ومحدش من المطاعم بيبعت أوردرات في وقت الفطار أو قبله أو بعده..خامساً لما أنا أساسا مش بصلي!!..بس المشكلة إن الصلاة هي فعل بينما الصيام هو توقف عن فعل..يعني اسمه عدم تناول طعام مش صيام..إنت بتصلي؟
-طبعاً
=طب العصر كام سجدة؟
الساعة 15
-بس إنت كدة بقيت شيوعي شيوعي يعني
الساعة 16
-ياخي طب حتى عشان ربنا يوفقك بكرة
الساعة 17
-أنا هروح أفطر في بيتي وأجيلك بعد الفطار نكمل مذاكرة
=وأنا هقوم أكل حاجة عشان جعان
-جعان ليه؟..مش إنت فاطر؟!
الساعة 19
-أنا مش عارف إنت الجرأة ديه وصلت بيك كدة إزاي؟!..تفطر وفي رمضان كدة عادي؟!
الساعة 21
-الكلام ده ما يتحفظش أبداً..أنا الصراحة مش عارف إزاي هصوم بكرة
الساعة 22
-ابقى صوم بكرة عشان ربنا يرضى عنك ويبعد عنك شر الدكاترة
الساعة 24
-أنا كدة مستحيل أصوم بكرة خالص ..أنا متأخر أوي ومخلصتش نص المنهج أساساً..لازم أسهر وربنا أكيد ذكي و..هيقدّر
الساعة 04
-أما أقوم أشرب مية قبل الآذان
=وأنا هنام ساعتين
الساعة 06
=أحا..كان فيه 3 سجاير في العلبة
-أعملك قهوة معايا؟
=لأ..أصلي قررت أصوم!
الساعة 07
-هعمل قهوة تاني....عايز؟
=لأ
-يابني عشان تعرف تركز
=معلش..أصلي اقتنعت بكلامك
الساعة 8
-يلا بينا ع الأمتحان

هناك تعليقان (2):

غير معرف يقول...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

غير معرف يقول...

مممممم. . . . شوفت أفلامك المفضلة.. بس السؤال: فين "حتى لايطير الدخان"؟