محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

07‏/08‏/2010

"إنهم يفشخون الفستق"!

..............
هل "رمضان" شهر بضان؟
............

طبعاً لأ !!
ليه؟



لدي أسبابي..
............
1
لأن في رمضان لو عايز تفطر.. اِفطر في أي مكان.. أو حتى وإنت ماشي في الشارع , ومافيش نظرات من الناس هتحاسبك..
ولا شرطة هتقبض عليك ..لا في شوارع ولا جوة مطاعم وقهاوي فيها ناس بسيطة ماعندهاش نفوذ!
لأن كل الناس عارفة إن ماحدش هيحاسبك على صيامك غير ربنا.. والناس مش هيحاسبوك.. ولا حتى بحجة إنك صعبان عليهم!
.............
2
لأن الموظفين المصريين بيشوفوا شغلهم كويس في رمضان.. وجوههم حيوية والنشاط بيفط من عينيهم.. ومش بيعطلوك عن شغلك بحجة الصيام..
الأمر الذي يجعلك لا تريد الصراخ بــ
"لو الصيام هيخليكوا شعب زبالة –أو أزبل تزبيل- .. ماحدش يصوم أحسن"
وكمان مش هتلاقي تناحة وشحاتة..
"2 جنيه كمان يا بيه.. كل سنة وانت طيب"
مش هتلاقي ناس توقفك على الطريق الزراعي -خاصة في الصعيد- عشان بالعافية لازم تفطر..
" ألف شكر يا رجالة.. أنا عايز أرجع بسرعة أفطر في بيتي.. طب أنا مسيحي"
مافيش فايدة أبداً.. أبداً أبداً..
بالتأكيد لن يصل الأمر لأن يشدوك بالعافية عشان تفطر معاهم.. أكل بالإكراه!
...................
3
لأنك بتلاقي الناس سعيدة في الشوارع , وماحدش بيتنرفز على حد بحجة إنه صايم.. ماحدش بيتكلم في وشك عشان يشممك روائح كريهة بحجة إنها مـِسك عند ربنا..
"طب يا سيدي خلي ربنا يشم.. بتشممني أنا ليه؟؟!"
.................
4
لأن في رمضان.. الشيطان بيكون مسلسل (شهر المسلسلات بقى)..
مافيش جرايم خالص.. لا سرقة , ولا مشاجرات , ولا قتل , ولا اغتصاب..
ماهو "شهر رمضان الذي أنزل فيه –أول- القرآن"..
الناس جميلة وبتحب بعض..
والحياة حلوة ولطيفة..
و..
مش قادر أكمل كتابة , حاسس إني هعيط!
....................
5
لأن في رمضان بنشوف أقل عدد من المسلسلات والبرامج على مدار السنة.. وده طبعاً بيحمينا من التخلف العقلي والبله المغولي!
لن تستمع إلى فتاوى متخلفة على غرار..
ما حكم ابتلاع الريق؟
هو الواحد يبدأ يصوم مع كلمة "أشهد" ولا كلمة "حي"؟
ولن تسمع ردود جادة على هذا من كائنات فضائية ندعوها مجازاً بالشيوخ!
..................
6
لأن في رمضان.. الناس بتنصرف عن القنوات الدينية المتطرفة نهائياً..
اللي ممكن تأثير سماعها لشهر يستمر مفعوله لسنة كاملة.. وأكتر!
................
7
لأن في رمضان.. الواحد بيكون نومه قليل..
يومه منظم جداً..
صاحي وفايق ونشيط ومحترم وبشوش لغاية قبل الفطار..
وبعد الفطار جسمه مش بيتقل م الأكل الكتير فــ يروح مكمل عدم النوم!
ولأننا -كشعب- بنصرف على الطعام في ذلك الشهر , القليل جداً مقارنة بباقي الشهور.. لأنه شهر الصوم طبعاً!
.....................
8
لأن في رمضان مافيش صداع خالص..
لا صداع الجوع أثناء الصيام ولا صداع مكروفونات التراويح والتهجد بعد الفطار..
.......................
9
لأنك لن تجد فيه اِزدواجية أن تتحجب فتاة في هذا الشهر فقط!
أو تجد من يسب البشر ثم يواصل صيامه طالما يستطيع ترديد "اللهم إني صائم"!
أو تجد من يؤذي الآخرين ويصوم عملاً بحديث الرسول عندما سئل عن اِمرأة كانت تقوم ليلها وتصوم نهارها وتؤذي جيرانها فقال لا خير فيها هي من أهل النار!
........................
10
طبعاً لأنه شهر مبارك!

"ليه الشرطة بتقبض عَ اللي بيفطروا في نهار رمضان؟
عشان رمضان شهر مبارك"

.................
.................
.........
بعدما قرأت ما سبق , عزيزي المسلم.. اِنت اللي قادر تخلي الشهر بضان أو غير..
ربما ظهر هذا من تعليقاتك على هذه التدوينة..
وإن كنت أرى رمضان.. شهر لذيذ , شرط أن تشهده في بلدة ليست إسلامية.. أو بمعنى آخر بلدة متحضرة تحترم الإنسان وعقله ومعدته وحقوقه!
.................................

هناك 8 تعليقات:

غير معرف يقول...

استغفر الله العظيم
فعلا الاسلام خسارة في المسلمين
للأسف لا يختلف اتنين على كل ما ذكرت من نقاط يا أخ عاشور
ما يقترن من مظاهر بالشهر ال"مبارك" لا ينكره الا جاحد
وكلنا مسؤولين عنه وسنُسأل عنه يوم الحساب.. عفانا الله وعفاك

وكل سنة وانت وكل المسلمين بخير وصايمين بجد من غير بيضان

شريف القاضى يقول...

للاسف كل الظواهر دى احنا السبب فيها , ولا دخل للشهر الكريم فيها...
كل سنة وانت طيب يا عاشور

غير معرف يقول...

إنت ناوى تتخصص جراحة ؟
نهى

غير معرف يقول...

اوجزت فانجزت فاعجزت......شكرا

غير معرف يقول...

اوجزت فانجزت فاعجزت....شكرا

آخر أيام الخريف يقول...

لو مكانش العنوان صارخ شويه كنت حطيتلها لينك عندى لأنها بجد جامدة جدا ... الحقيقة كل اللى بتكتبه جامد مش بس دى

دمت بود

غير معرف يقول...

كلااااااام جميل...لاكنه يحزنني كثيرا..لانه وللاسف هو واقعنا وديننا برئ من جهلنا وضلالنا

غير معرف يقول...

1+1=2
والهبلة ما بتجيبش دكاترة
جوع+عطش= نقص للسكر في الدم وتوتر في الاعصاب وجفاف.. ازاي الناس حالها هيبقى احسن؟

تعذيب وسادية، لازم تكون دي النتيجة، اللي يحلم بنتيجة انضف هو الغبي والجاهل والموهوم والبضين ايضا!