محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

07‏/07‏/2009

"كــُنــَّا صحاب"


..............


كُنـَّـا صـحـاب


تلاتة صحاب


نتنطط..نجري


لحد الباب..


..................


كنا بنجري كيف السنجاب


وإحنا بنلعب كورة شراب


.............


كبرنا..


بقينا شـباب ولا أي شـباب


وصار أنحفنا كضرفة بـاب


نعاكس مُزَّة..في إيدنا كتاب


.............


وعند دسوقي أكلنا كباب


باقي الشهر نِسِّف هباب


نزعل..نتصالح بعد عتاب


ما قتلنا شيطانّا بالقبقاب


............


مجانين


طايرين ف سحاب..


..........


ورجع الشر بعد ما غاب


حبيت واحدة تُدعى رباب


رحت عزمتها على عِناب


وعرفتها على أغلى صحاب


..........


ولما طلع الهوا غلاب..


واحد خاني زمان والتاني


طيب جرجي قوام ودواني


من صاحب كداب..


...............


كنا صحاب..


..........................

قام اللي دواني في لحظة نساني



و كأنه ما ضحى بعمره عشاني



و رجعنا أغراب..



................



كنا صحاب..



تلاتة صحاب..



نتنطط..نجري..



لحد الباب



..............



كبرنا..



والشعر شاب



ورجعنا صحاب



.........



فقلنا هنعمل كشف حساب..



..........



أولنا ضاع



تانينا باع



و تالتنا كتب..



.............



"كـُنــَّا صحاب"
...............

هناك تعليقان (2):

ahmed samy يقول...

الحاجه بجد اللى تعجبنى دى بس اللى اسيب فيها تعليق بجد كنا اصحاب دى فى منتهى الجمال وشوف لما حد يبدأ يومه بحاجه جميلة متشكر جدا

أحمد مختار عاشور يقول...

متشكر جدا يا أحمد..بجد تعليقك ده بعتز بيه جداً
.............
ع الهامش
ممكن تعلق على فكرة من غير ما تسجل في البلوجر .. توفير لتعبك يعني :)
.............
تحياتي يا ابو سامي