محتوى المدونة لا يناسب من تقل أعمارهم عن 17 سنة !! (مش أنا اللي بقول)

OnePlusYou Quizzes and Widgets

Created by OnePlusYou - Free Dating Sites

سـِفـْرْ عـَاشـُوريات

21‏/11‏/2008

بيجوو (سوهاج - أسيوط)!

"ملحوظة: يمكنك الاكتفاء بقراءة الأزرق والأحمر فقط"

=أبدأ الآن..

=لا لا لا..

=لا..سوف أبدأ..

=توقف يا أحمق!


=توقف يا أحمق

=أن

=توقف يا أحم

=أنا

=توقف يا أح

=أنا

=توقف يا أ

=أنا م

=توقف يا

=أنا مر

=توقف يا

=أنا مرغ

=توقف ي

=أنا مرغو

=توقف

=أنا مرغوب

=توقف

=أنا مرغوب

=توق

=أنا مرغوب ف

=تو

=أنا مرغوب في


=أنا مرغوب فيه

-إنتي اسمك إيه؟

=ينعل أبو دخلاتك..إيه الدخلة البضينة ديه؟..والله أنا لو مكانها لأزبل أهلك

*(تلتفت في خجل) نعم؟

=عيد سؤالك تاني يا ابن العبيطة

-كنت بسأل بس عن اسم حضرتك

=يعني بروح أمك قعدت تفكر في ألف دخلة محفوظة ولما فكرت تنطق حبيت ترتجل؟!..اشرب بقى

*(بابتسامة خجل وكبرياء) محدش بيعمل كدة على فكرة!

=آه والله ياختي قوليله

-(يتلعثم..يهمهم) طيب كويس..

=هو إيه اللي كويس؟

*هو إيه اللي كويس؟

=هأو..قلتها قبلك يا مزة

-أي حاجة

=آه...شكلها طلبت معاك هبل

*ع العموم أنا اسمي نيفين

=هه؟!

-بتدرسي يا نيفين؟

=طب ياخي قولها اسمك حلو .. شغل الحبشتكنات ده

*ف تالتة صيدلة

=إشطة يعني هتتخرج وهتتظبط فلوس وهي قاعدة في البيت..باعت اسمها أو استغلته

*وإنت؟

=قولها إنت مين بقى بروح خالتك

-أنا اللي زيي بيتجلدوا في السعودية دلوقتي

=دم أمك!

*(تستوعب..تضحك..ثم تسأل) إزاي يعني؟

=آه وأنا أقول رضيت تتعرف عليك ليه..أتاريها هبلة

-مش بتابعي أخبار يا هب..آآ..يا نيفين..هه يا نيفين..أخبار؟

=خلي عندك شخصية يا كوتش..ملكش دعوة بيا

*يعني..مش أوي..مش بشوف تلفزيون كتير

=وهي الأخبار يعني تلفزيون يا نفنف؟!

*لو لقيت فيلم حلو بتابعه

=آه..ديه كمان بتستطرد

*وطبعا أكتر قناة بحبها هي قناة الناس

=أبوس إيدك اوعى تشتغل..سيبها تشوف اللي تشوفه

-قناة الناس؟

=اهدى وحياة جوز خالتك..اخرس خالص

*قناة بتعرفنا ديننا صح

=أيوة فعلاً..اوعى تستفزك

-طب على كدة كلامك معايا هنا هيعجب شيوخ قناة الناس؟

=تصدق إن إنت بضان ياد إنت؟!

*مستحيل حد يقدر يعترض..إذا كانت السيدة عائشة -رضي الله عنها- كانت بتدي دروس للمسلمين!

=اللهم قوي إيمانك يا مُزة

-بس كانت الدروس في الدين..مش مجرد دردشة تضيع ملل الطريق

=يعني م الآخر بيقولك: تفي ف وشي واستغفري!

-أنا مش بضايقك..بس أنا مش حابب إنك تعملي حاجة وإنتي حاسة إنها حرام

=وهي قالت حرام يا مفتري؟

-أي نعم إنتي مقولتيش إن كلامنا حرام..لكن أنا متأكد من إن شيوخ قناة الناس هيقولوا كدة

=عسل يا اخواتي..جاتك نيلة فيك وف كلامك

*إنت اسمك إيه؟

=هأو..عايزة تعرف دينك

-عادل

=يا ابن الكدابة

*عادل إيه؟

=عندك عماد

-عادل عماد

=عايزك تسيبها مشلولة

*عماد إيه؟

=صبحي

-صبحي

=هههههههههههههههههههههههههه

*مسلم ولا.....؟

=أيوة كدة...هاتي م الآخر يا مُزة

-اسمي بلال

=عاشت الأسامي

*أيوة يعني مسلم ولا..(تضحك)

=ده أنت جبتلها هبل رسمي

*(تواصل ضحكها) إنت بجد غريب خالص

=اتفلسف يا اسطى..سوق

-عشان مش عجباني قناة الناس؟

=طبعاً يا ملحد

*لأ..يمكن طريقتك غريبة شوية ف الكلام

=اشطة يا مختلف..بتشتمك بأدب على فكرة

-متهيألي إنك معرفتش طريقتي الغريبة ف الكلام غير في موضوع قناة الناس

=إنت عيل بضين أصلاً

*إنت شايفهم منافقين يعني؟..مش مسلمين وعاملين مسلمين؟

=رد!

-لأ طبعاً أنا مقولتش كدة

=ولا قولت

*امال؟

=رد!

-هم مؤمنين فعلاً ومصدقين اللي بيقولوه..بس للأسف فيه حاجات غايبة عنهم

=اللهم قوي..

*وإنت مفيش حاجات غايبة عنك؟

=هأو..ديه بتضرب

-زي إيه؟

*زي من أول ما شفتني مثلاً؟!

=اشطة يا عم..ديه شكلها حبتك

-معتقدش

*يعني إنت مثلاً شوفتني بنت جميلة فقلت تكلمها وتشوف أخلاقها ينفع ترتبط بيها وتبقى زوجة مشرفة..ولو منفعش فهتبقى حاجة كويسة إنك تمشي معاها بس

=كتف قانوني..ازنق

-الصراحة آه..بس أنا عمري ما ضحكت على بنت قبل كدة..موعدتش بنت بالجواز أصلاً

=استنى كدة أما افتكر

*(تبتسم في انتصار) بس حبيتهم..صرحتلهم بحبك

=ده كمان حط القرد ف الشنطة الجلد!

-أيوة..بس الحب مختلف عن الجواز

=وحياة أمك؟

*ده كلام فارغ..وتبرير لشهواتك..خلي أختك تحكيلك إن زميلها صرحلها بحبه وشوف القلق اللي إنت هتعيش فيه..لسبب بسيط جداً..إنك هتشك في زميلها إنه زيك!

=هههههههههههههههههههه..............إديله ف سنانه!

-وإيه بقى اللي وقع مني من أول ما شفتك؟

=غلوش غلوش!

*إني آخر واحدة ينفع تمشي معاها أو تتجوزها

-ممكن أفهم سبب رفضك للجواز-رغم إني مطلبتوش- عشان هتبقى نكتة بايخة لو عرضت عليكي الجواز واحنا مكملناش ربع ساعة تعارف..ثم آ

*(تقاطعه) وهتبقى نكتة أبيخ لو عرضت الجواز على واحدة متجوزة (مشيرة لدبلة خنصرها الأيسر)

=والمصحف ما خدت بالي يا صاحبي..

*شكلك مش بتاخد بالك م الحاجات ديه!

=حاول تصيع..اوعى تخليها تغلبك

-أنا بس مرضتش أحرجك لما جبتي سيرة الجواز..قلت يمكن حاطاها منظر..ثم حتى لو متجوزة..فين المشكلة؟

=حلو

*المشكلة إن دردشتنا هتنتهي أول ما نوصل أسيوط

=عَمَّر سلاحك \ باسيلها الكورة واجري لقدام

-ليه؟

=صباعك ع الزناد \ خليها ترفعلك الكورة قدام الجون

*عشان أنا متجوزة

=اضرب \ شوت

-وإيه اللي يمنعك من إنك تخوني جوزك؟

=هايل..طلقة الآمان بقى \ ارقص يا حضري

-مين فينا بقى اللي مش بياخد باله من حاجات؟!

=لو مردتش عليك اخرس ونام

*...................

=هصحيك لما نوصل

.........

(تمت)

01‏/11‏/2008

دقيقة شات


أ:5

: وماما عاملة إيه مع بابا؟

1

: بوسة

2

: أنا بجد فرحانة أوي إني لقيت حبيبي

أ:3

: أنا مش بخونك لو بترمي على كدة

4

: Nudge

5

: كالعادة

أ:5

: حاولي تهديهم شوية

أ:6

: وانتي منين بقى؟

أ:2

: مش أكتر مني يا حبيبتي

أ:4

: أيوة يابني..هدفن الجثث اللي في إيدي وآجي أحكيلك

3

: آمال منفضلي ليه؟

5

: طب ما تيجي تقعد معانا شوية أنا مخنوقة

أ:6

: Nudge

أ:1

: بوسة واحدة بس؟

4

: طب ما تشوفنا بحاجة يا عم

6

: معلش أصلي كنت بشرب

أ:6

: طيب السؤال لسة موجود على فكرة

1

: ليك عليا لما أشوفك ههريك بوس وقدام الناس كمان

2

: أنا مكسوفة..مش عارفة أقول إيه

أ:5

: صعب والله يا حبيبتي انتي عارفة أنا مشغول في شغلي غير إني على خلاف دائم مع الإتنين اللي عندك في البيت

4

: آه صحيح .. في مصلحة شاقطها قريب راكب؟

6

: يعني إيه؟

أ:4

: راكب طبعا بس كل واحد على بتاع أبوه

3

: إنت كمان بتنفضلي لما أسألك إنت بتنفضلي؟

أ:1

: ليه يعني؟ انتي تبتي عن مرواح الشقق ولا إيه؟

4

: يا عم متخافش..النسوان حاجة والشغل حاجة

أ:3

: يا حبيبة قلبي وعقلي وعمري..أنا معايا أصحابي دلوقتي..مش هينفع نتكلم

6

: Nudge

أ:6

: انتي منين؟؟

3

: طيب ابقى كلمني لما تخلص

3

: Nudge

3

: طب رد عليا وهمشي

3

: إنت

7

: Nudge

أ:7

: Nudge

3

: يعني إنت مش هترد عليا

3

: إنت بتستهبل على فكرة

أ:3

: ليه يا حبيبتي؟

3

: مش بترد عليا ليه؟

أ:2

: وأنا قاعد سايب الكيبورد وبتفرج على صورتك

أ:3

: انتي قلتي حاجة؟

3

: يعني الكلام مش بيوصل؟

أ:3

: أكيد

3

: معلش يا حبيبي يبقى النت عندي بايظ

6

: م الهرم

أ:6

: طالبية يعني

2

: بحبك

6

: يعني بس من برة

4

: واحد خليجي عايز شوية خطوط

1

: وإنت يعني لوحدك دلوقتي؟

أ:1

: آه صحيح..فكرتيني

أ:5

: متعرفيش مشروع حد من اللي عندك هيطب عليا قريب؟

6

: وأنت منين؟

أ:2

: بموت فيكي